[عبدالرحمن الربيّع]

أسف أنا
إذا رفضت الاعتذار
الجرح ليل
وأنت تجيني بالنهار
والدمع يملا وجنتك
وشايل بكفك وردتك
وعروقها مالت خجل
وأوراقها ذابت وجل
حمراء وزادت إحمرار
وبروازك اللي لو بكى
فوق الجدار
وماهمني
ما دام أنا خذت القرار

ياجارحي وشلون
جالك نوم
وأنا مهموم
وش لون قلبك طاوعك
ياجارحي ترجع تنام
وتتركني وحدي للظلام
وماجيت في بالك ابد
روح ابتعد
ما أظن أبمسح دمعتك
ما أظن أبدمح غلطتك
خلاص أنا خذت القرار

مو عاجبك
ازعل واعقد حاجبك
ولا تلومني
أنا تحملتك كثير
تخطي علي وأسامحك
لكنك أنت بالأخير
تخطي وترجع تعتذر
وتبيني أنسى كل شي
آسف أنا
إذا رفضت الاعتذار
الجرح ليل
وانت تجيني بالنهار