[فيصل البراك]

[poet font="Simplified Arabic,4,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
الفراق.. اللي يصير بلا وداع ولاسلام ........... في وسط صدري معاذيره قبل نبدا الرحيل


لو تشوفيني كذا.. ودعتك وعفت الكلام.......... ماسكت الا وانا حابس وسط صدري دليل


ماني اللي باع نور الود في.. رجوى ضلام..........لو دروب العشق ورتني سوى قلبي بديل


والله اني دوم اعف الرجل عن درب الحرام.........والردى.. يابنت مالي في مسافاته مقيل


لو سألتي السيل عن فرقا مراسيل الغمام........ كيف تنبت مزنة الفرقا شجر ماهونحيل


لاتشوفيني مثل غيري.. مثل جرحه تمام.......... قلبي الطيب ابد.. ماخلق له قلبٍ مثيل


لاوثق في قلب خله.. لايشك ولايضام.......... وان عطاه بصدق.. مايرضى بغير المستحيل


يوم كلٍ نام عن حلمه.. عجز جفني ينام........ ماسهرت الا عفاف.. ولا نخيت لا نبيل


والكلام.. اللي معاليقي على صمته خصام.........ماحنى للياس.. هامة راعي الصبر الجميل


وحبك اللي كنت اعلق له.. على صدري وسام.......... والله انه مايهون.. ولو مفارقنا طويل


عادتي ماخون غايب.. لو نفض جرحي وقام.......... قومة اللي ناويٍ بالبعد.. يذبح له خليل


ماعلى قلبي ملام.. ولا على صمتي ملام...........لو قضيت العمر ساكت او قضى قلبي عليل


واسألك بالله.. خلي سر قلبي في سلام ..........لاتقولين: الكريم اللي وسط صدري بخيل


والمفارق.. لاكتبه الله.. له لوحده دوام.......... ماخذا مني كثير... ولاخذا مني قليل


والله.. اني (___________)لاجاك الكلام......... عزةٍ تغري الشموخ يعلم العز النخيل


ان عشقت.. اعشق وانا مثل الشقا ند الغرام.......... وان جفيت.. اجفا وانا قلبٍ رفض يحيا قتيل


وارثٍ عزة قرومٍ.. لاخوال ولا عمام......... مالمحت بيوم منهم.. واحدٍ راسه ذليل


كاسبٍ منهم..صلابة راس موفين الذمام........ ولاقصورٍ بالعرب..فيهم ولد ناس وسليل


والفراق.. اللي تشوفينه بلا عذر وسلام..........له وسط صدري مية عذر.. ومية حملٍ ثقيل


لاوصلك العلم.. رد العلم.. جل الاهتمام.........خير.. والا حسبي الله الولي ونعم الوكيل


[/poet]