[متعب الخامسي]

مقدمة :



من ضمن خطوات المنتدى للتطوير والتغيير في نظام المواضيع التقليدية كتبت هذا الموضوع والله يكتب لنا ولكم مافيه الخير.

في فصل الشتاء شي طبيعي الجو يبرد وشي طبيعي ايضاً إن الأصابع تبرد واللياقة على الكتابة تضعف والنشاط يقل .
لذلك نحتاج من فترة لإخرى مواضيع تعيد النشاط وتحرك الركود مثل هذا الموضوع .
بدون قصور في مواضيع الإستراحة الباقية اللي ماتفرق بين اللي مثبت منها واللي ماثبت ولايهون التراث والشخصيات الموجودين فيه .



فكرة الموضوع :

توضيح الصح وتصحيح الخطأ بطريقة جديدة .
بختصارالموضوع للفضفضة والفلسفة والخنبقة في إطار الصح والخطأ

والأمثلة تبين الفكرة عاد اللي مهوب فاهم بالأمثلة بسلامته .


الأمثلة : -


صح أن مشاغل الدنيا تأخذ الواحد حتى من نفسه احياناً

بس الخطأ إنها تشغلك عن عبادة ربك اللي خلقت لأجلها


"مثال توعوي "

..


صح إن الإشراف في منتدى مميز زي شعبيات حاجة كويسة

بس خطأ عليك إنك تصير مشرف ولا تشارك



"مثال لجلد الذات"

..

صح إن الإنسان قد يتعرض للبرد ويزكم


بس خطا عليه إنه مايشيل مناديل


"مثال صحي"


..

صح إن الحياة تجارب


بس خطا عليك إنك ماتتعلم من تجاربك


"مثال قديم لزيادة عدد الامثله "

..

صحيح إن رياضة التزلج رياضة جميلة وممتعه

بس خطأ إنها تصير هوايتك وانت ساكن في الرياض


"مثال رياضي"




....

ملاحظة : الموضوع مفتوح للمشاركة فقط يعني لحد يجي ويقول الموضوع جميل ورائع ولايشارك .
لأني واثق إنه جميل دامني كاتبة وبيصير أجمل بمشاركتكم .



تنبية :- النقط اللي في العنوان عشان يطلع شكله حلو في شريط أخر الأحداث
من باب الأمانة العلمية .