بغني اليوم بالعالي
بفضح سرك الغالي
واتغنى
بلحن لك على الاوتار
قلبي موطن الاسرار
اتهنى
بخبر قصتي العشاق
وبكتبلك على الاوراق
وبتمنى
عساها هالسنه اجمل
عساها هالسنه انبل
وتجمعني بك الاقدار
.
.
حبيبي اليوم ميلادهـ
عساها تزيد اعيادهـ
وتكمل فرحتي بشوفه
وينهي هالزمن خوفي وكل خوفه
من ظروفي من ظروفه
تعبت اناجي طيوفه
ويناجيني من الشباك
واستنى مواعيدهـ
تعبت اسمع تناهيدهـ
من الاشواق
انا مشتاق
واتألم !
وانا اكثر من اشواقه
انا والله مشتاقه
واتألم !
عسى هالعام يتكرم
يريحنا من التعذيب
لا انا اغيب
ولا هو يغيب
.
.
.
ياغالي
برددلك بموالي
عسى عامك معانا يلين
مع السادس مع العشرين
اشوفك كل يوم وحين
وارددلك مع التلحين
احبكـ كل مافيني
احبكـ كل مافيني
.
.
.
في يوم ميلادك بهني الحكايه
اللي جمعت قلب امك مع ابوك
كنها خذت من طلتك انت غايه
في يوم تشريفك عليها يزفوك
حصـاد زرعٍ انتج فيوم آيـه
احلى تواريخ العمر يوم جابوك
جيتك بهنى شفت حولك ملايا
جميعهم منوتهم الاولى يهنوك
مدري شقدم لك حبيبي هدايا
مادام قلبي والعقل مايوفوك
اعذار منهو بالغلا جاك تايه
واشواقه وقلبه غلابا ينادوك
.
.
بيلـسـانـ
.
.