[عادل العبدان]

الرسالة الأصلية كتبت بواسطة عبدالله السليمي

لو ينشكي همي شكيته على النـاس = بس البلا للنـاس ماتفيـد شكـواي
شكواي لله يجلـي الهـم والبـاس = ماغير رب الكـون يعلـم بدعـواي
نمسي بهوجاسً ونصبح بهوجـاس = عيت لتمشي لي على الكيف دنيياي
لنامت عيون البشر وارخت الـراس = مافيه عينً تسهـر اليـل لرضـاي
ماتهتني عيني ولا الجفـن بنعـاس = دايم وحيـد وطـاري الهـم ويـاي
وضعي صعيب وحالتي صابه اليـاس = وازرت دكاتير المرض تعـرف دواي
والصدر كنه تنقطع عنـه الانفـاس = لمن ذكرت اللـي تسبـب ببلـواي
حسبي عليه الله بـلا حـد وقيـاس = راح وتركني يوم جيته من اقصـاي
بنيت له بالقلب قصرً علـي سـاس = مير هدمـة قبـل يتهنـا بمبنـاي
طـاوع بـي العـذال ولحبنـا داس = وعقب الموده يطلب اليـوم فرقـاي
وسوس بعقله له من الناس وسواس = وطاعة بقوله قبل لا يطلـب الـراي
وثوب الصداقه بدله بأرخص البـاس = نسا وتناسى مامضى وأنكر الجاي
لقى بديـلً لـي يبادلـه الأحسـاس = وانا لقيت الشوك مـزروع بخطـاي
لو كنت وسط البحر ماهر وغطـاس = خلاص ماهو غايتي ماهـو أمنـاي
دامه مشى دربً نهايتـه الأفـلاس = والكذب له مبدا وانا الصدق مبـداي
بحـط دونـه بعـد مابـار حـراس = لايدخل بقلبـي ولا يقـرب حمـاي
واسجل الذكـرى بحبـرً وقرطـاس = ومع الهبوب اذرهـا بكـف يمنـاي

أرجوا منكم المعذرة

ودمتم سالمين

عبدالله السليمي ....صح لسانك ... وعلا.. شانك ... مصافحه جميله من شاعر أجمل ..دمت بخير...