رد : [ احـاديث عفويه ..!] هلا بـــك يا زويــن الــروح .. .. ..
هلابك يــا زويــن الــروح من الاعماق للاعمــاق ...
رائــعه
ل
ص.ع
الا يامـن نزف قلبـه على كـف الغـلا مشتـاق =جــيتك شـايلٍ كل المشـاعـر حـزة الهـامي
وانا لامن بغيت اقصد اجيب الحرف دون اوراق=خـصّ اليا بـدالي مـن نديمي شـي ٍ الزامـي
هـلابك يا وزيـن الروح من الاعـماق للاعـماق=هـلا بـ اللّي غدى اسمه سبايب رعـشة عـظامي
انـا ترني بعضـك اللّي بقالك لو زمانك ضاق=ابيع الروح و الدنيا واداوي جـرحـك الدامي
ترالك بـ الغـلا قيـمه وشـيمه ما لها مـيثاق=وتـراك اصبـحت بـضلوعي مثايل دق الوشامي
حبيبي والهـوى ما هو على ما نشتهي ينسـاق=لـزوم يعانـقه بعض المتاعـب لا غدى سـامي
عـسى من بعد غيباتـك يضـوّي نورك البرّاق=سـما ليـلٍ بدى قـاسي وهــم ٍ صـار مترامي
واشـوفـك مقبـلٍ يمي وساقٍ تحتمي فـي سـاق =ولا زاد الوله اغـضـيت اعـضّـض راس الابهامي
واحط ايدك على كتفي واذوق من الشفاه ارياق=ايلين انـّه سـواد العـــين منـّي يفضح هيـامي
واسامـــر بـ الغلا خــــد ٍتـواصـيفه بهـا يــنباق=بـعـض عـمر اللذي اصبـح لشـوفك دايمٍ ضامي
ولا هـدّ التعب خصـرك وقامت تكسره لـ اشواق=بـدى خمـر الهوى يسري بجـسمٍ ينتـفض حامي
وصـارت تـسبق انـفاسك تـرانيمٍ تجي بـرقاق =تـعلاّ للـفــــضـاء مـرّه ومـرّه تـحت الاقــدامي
وغـفت عيـنك على عيني بعد ما طالت الافـاق=وهـلـت لي مزون الوجـد غيـثٍ يروي احلامي !!
وكسى نفس المكان اللّي خذانا للذنوب اوراق=تــواري ما بدى مـنا ولـو بعض العبـث كـامي
ترى للحب دوخـات ومعانـي وصــفها مـا لاق=سـوى للّي غـدى النيشـان صـدره وكـفه الرامي
وكان الله كتب بـ آآآخـر مـسيرت دربنا افراق=تـبي تبقى لقـلبي جـرح يرافق قـسوة ايامي!!
ص.ع
|