أعزائي أعضاء المنتدى أتشرف أن أضع بين أيديكم هذه القصيدة المتواضعة
وأتمنى أن تلامس شعور الجميع وترتقي إلى ذائقتكم ... وإليكم :
هلمٌي ياحلاة الغيـد داوي خافـق ٍ موجـوع=هلمٌي واشغلي حيٌز من فوادي ولـو ساعـه
هلمٌي وادخلي قلب ٍ عقب فرقاك ميٌـت جـوع=هلمٌي واسكني بين الحنايا يـا اول اطماعـه
أنا ذقت الوجع مرات في كاس القدر مجمـوع=ذحاحه مع هوينه لين شفت الكاس من قاعـه
صبرت ولا دريت إلا وانا طايح كما المصروع=وصحيت وجرحي بصدري يحطٌم كامل اضلاعه
أمانه لو تذوقين الوجع جرعه من اهون نوع=تموتين ابسبب جرح الوجع وبأهـون أنواعـه
ولكن لـو تخيلتـي طريقـك للـدوا ممنـوع=وانا قادر على توصيله وقادر علـى امناعـه
ولابه للأمل ذره وياسـك بالحشـا مـزروع=أنا واثـق بحزتهـا تجيـن بنفـس خضاعـه
وانا جيتك دواي بحوزتك لكن بـدون خضـوع=خضوعي للإله اللي ثنيت الراس لـه طاعـه
وانا حي بلباس الموت في جال القبر موضوع=حياتي رهن وصلك تقبليـن بنفـس ملتاعـه
حياتي يا(حياتي) ضيق خاطر وانسكاب دمـوع=ثمان اعوام وفراقك صميـم القلـب مرباعـه
هلمٌي واصدقي نفسك على وصلي بدون رجوع=أبيك اتعيشيٌن القلب في عزله عن اوجاعـه
خاص ب ( محمد بن مداوي ) ...................