[صُــدفه]

قال لي وش هالسواد اللي تحت عينك يحيّـر=قلت وش ضنّك وانا اللّي دنيتي يقطر سـواده
قال لي لا صــدق والله شكــلـك اليـوم مـتغيّـر=وين هاك الضحكه اللّي يكسر همومي عنـاده
قلت لـه والله مانـي بحكـم الاقـدار مـــتطيّـر=راضي ٍ ب اللّي انكتب لي من شقا ولاّ سعاده
ما حسبت الهمّ يومي بحسبت سنينـي صغيّـر=واذكـر انّي كــنت رجل ٍ مظهرٍ عـزم وجـلاده
لين ما جاني رسول ٍ من طرف جرحي مسيّر=حــط بيني وبين قبري اربع حـروف وقـلاده
اه ليتي مثـل باقـي النـاس بــذنوبـي مـخيّـر=كان أيلين الحين عايش فتنـة الليـل وبـراده
وليت ما للقل وجـه يحدّنـي واصبـح كــثيّـر=كان ما حطيت كفّي بيـن خـدّي و الوسـاده
خلّني ساكــت وربي خايـف اشكيلـك واطــيّـر=من خفوقي الف جمره باقي بضلوعي رمـاده
وخــل ما بـ القـلب خــلّـه يـا معـــوّد لا تــذيّـر=هالحنين اللّي على اغصان الحشا اعرف عناده
ما يــدوم الحال دايـم فرحــتـي وقتـه قصيّـر=ليت من يقــدر يــدوس الكايـد ويلحـق مـراده
هــذي هي هموم قلبـي كلهـا طـب وتخيّـر=ولا يــردّك ظــن ابـداً مـا لــفـت بالـك فنـاده
وكان أيلين الحين شايف اسود عيوني يحــيّـر=ارجع وناظر شوي تعرف وش خافي سواده!!

ص.ع