إقتباس:
الرسالة الأصلية كتبت بواسطة سالم بن جلعان
الى من حجز الكرسي الوحيد .. وتركه للغياب
ر ح ل ت
حبيبي كان تسأل ليه غبت وصار حولي سور؟=تعال اجلس على كرسي غيابك واسمع الخافي
ولكن لا سمعت اللي بقوله فابتعد مشكور=لأني عفت كل اللي بقى وأقبلت لك جافي
حبيبي حلمنا اللي كان تغريد وأغاني طيور=من اللي يذبحه وأشواق صدري تصرخ ابـ كافي!
تروح بلا سبب وتخط في صفحة شقاي سطور=وترجع بعد ما مات الأمل واصفرت أريافي!
وتسأل وش بقى لك ! ما بقى غير الوفا المقهور= تجاذبه السنين عجاف ووعود ٍ لك عجافي
رسم لوحة شقى عمره على لوح الهوى المكسور=وعلقها على مسمار نعش الحب تنشافي
وردد مع صدى الناي الحزين الباكي المجرور=أغاني كنت ارددها معك يوم الهوى صافي
وأماني من رفات الحب في كاس الشقى المعصور=سكبها واسكرت بي قلب من سكرته يا كافي!
وانا اللي كل ذنبي شوق يطويني لورد الجور= وعكش ٍ في وسط غبة بحرها ضاع مجدافي
تلفت في عيونك لأجمل أيامي دخيل الحور=تلفت ما بقى بي غير هم ٍ مثقل اكتافي
اذا غدر الليالي يا حياة الروح فيك يبور= فياكم بار فيني من سريت بليلك الضافي
واذا هدك فراق أحباب وأيام ٍ تمر دهور = فيا كم هدني طول الغيااااااب وقولتك لافي!
يدور الصمت باركان الغياب القاسي المغرور=سبب نفحات فرقا خزرة ٍ من رمشك الغافي
ويغشى البرد في وجه المدينه من غلاك قصور=رغم كل الدفا فيها قدحت لرجفتك قافي
وحنينٍ يلتحف في زمهرير البعد منك الزور=ذبل! إلا تلاشى يوم صار غيابك لحافي
ورحل حلم السنين لواحة الذكرى ونبع النور=حقر موتة فراشات الأمل في حضنك الدافي
تصدق من رحل صوب المسا اللي غلفته عطور= اخذ أجمل سنين العمر.. وكل اللي ترك هافي!
تراني ما تعمدت ان شعوري ينسكب منثور=ولكن شوق صدري فاض حتى غرقت ضفافي
فلو لاح بعيونك - والمشاعر تشتكي للدور=اذا وقفت في الأطلال - زول أطياف .. فأطيافي
بتلمحها وحيده غااارقه في وحشة الديجور=حزينه ذااااابله مستسلمه للبرد والسافي
نست تنسى وفاها في صحاري وصلك الممطور= من مزون الوهم والبعد والهجران ... يالوافي!
وانا راحل بكيفي ماني بمنحد أو مجبور = أنا وش لي بشخص آشوف قلبه ناوي اجحافي؟
وانا لا جيت أوضح لك فانا يا صاحبي معذور= لان غيرك على كرسي غرامي ما جلس لافي
فمان الله يا ماض ٍ تحت عوج الضلوع يدور=فمان الله انا راحل على درب الشقا حافي
وانا طالبك لا تطري وصال وتنبش المستور=فمان الله رح خل الشتاء يستوطن اطرافي
وسلامتكم ... سالم بن جلعان |
المدهش سالم بن جلعان
وش اقول وش اخلي لاعدمناك ؟؟ !!!
لازال الشعر بخير وفيه امثالك الرائعين جداً
كالغيث تجود علينا بدرر خيراتك
صح قلبك وفكرك وروحك
الله لا يحرمنا هالتواجد
وادامك الله لشعبيات وللشعر
