[نورهـ السبيعي]

حيّ الله أخوي سلطان .. منوّر والله
من شفت إسمك وأنا عارفتك ولما دخلت للموضوع تأكدت

نوّرت شعبيات وإن شاء الله نشوف مشاركتك على طول ..

الصورة روعـه أعجبتني كثير ، معبرة ومؤثرة
وأختيارك للأبيات مناسب جداً ..

الصوره ذكرتني بقصيدة تقول :
مريت أنا بيتٍ شكى من هدامه
.. يوم الزمن خلاه والوقت له شان

بيتٍ مضى عهده يعاني حطامه
.. مهجور ما يقوى رياحٍ وكثبان

دخلت وسط البيت قصدي سلامه
.. في بالي أذكر من تعناه شفقان

قلت: السلام، وابطل وجودي صيامه
.. تسعة عشر عامٍ له الصوم هجران

سفهني ماكن التحيه حشامه
.. ساكت ولاكنه يعبّر له انسان

يابيت علمني سكوتك علامه
.. اليا متى صمتك أناديه يافلان

ياماضيٍ يطعن بقلبي سهامه
.. يومي قريت اسمي وخططت فالبان

أيام طفلٍ عاشها من غرامه
.. ذكرى الطفوله باقيه فوق جدران

تكّتني العبره وكلي ندامه
.. عليك يا وقت ٍ خذا كل ما كان



سعيدة والله بتسجيلك فشعبيات ياسلطان ..