[صالح العبدالكريم]

للذكريات .. وخفيف الدَّم يا جدّه ................... شي ٍ يحد الخفوق ... وشيٍ آحدّه لن الأماكن ابد ما عاد تاسعني ................. وانا عرفتك رخاء في تالي الشدّه ! ما كنّي إلاّ شبيهي يوم توديعك .................. وما كنّك إلاّ انا .. واحسبها بالمدّه : يومي أهز الضلوع والعن اشيائي ................ والصوت ياصل الين اقصاه وآردّه ! شوفيني حالف ازورك بالسنه مرّه ................ واقول واحشني بحرك .. تسألي شقدّه؟ واقول من دون قدّ .. وتنطق عيوني ................. قدّ الحنين ..وعتاب النفس والصدّه ! لاني بأول جريح ٍ ... يزهد بثاره ................. ولاني بآخر حبيب ٍ .... يكسره ودّه !