أحمد الحجاج ..
شاعرٌ جميل وذائقةٌ أثق بها
تواجدك مطلب .. ورضاك مكسب ..
وبالنسبة لـ الشاعر " لافي " .. فـ هذا نصّه كامل حسب ما وصلني على الجوال
أقبل يحرك خطوة الرجـل برفـوق
......... والقاع لمصافـح خطـاه يتشـوق
مخلوق لا كنه ماهو بأي مخلـوق
.......... علـى بنـات آدم وحـوى تفـوق
عليه لبسٍ يجمع الوسع والضـوق
.......... موسع بعضـه وبعضـه مضـوق
مر وتعدى مابـدى منـه منطـوق
.......... إلا أنه بجيـش المفاتـن مطـوق
خلاني أمشي وأقضب الدرب واتوق
.......... ماني بتايـق فكـر لاكـن متـوق
تقول مرميٍ على الأرض من فـوق
.......... وإلا من السـم السقطـري مــذوق
يغفى علي شـوي وشـويٍ أفـوق
.......... وأقول لا أستيقضـت والبـال روق
مادام لا أمعوق ولا صايبه عـوق
.......... وراه يمشي مثل مشـي المعـوق
اللي على حاله خطر من هل السوق
.......... مفروض يمنع مايـروح يتسـوق
وصح لسان الشاعر لافي ..
كل الشكر لك أخوي أحمد