مجاراتي لابيات السامر
عـز الريـاض وعــزوادي حنيـفـه=وعـزالامـاره والامــور العـظـايـم
عـدل الحكـم سلمـان بالعـز ريـفـه=خمسيـن عـام كــل ابـوهـا غنـايـم
تبصـر بعـدلـه عـيـن حــي كفيـفـه=المجـد لـه والطـيـب والـعـز دايــم
سلـمـان رمــز ٍ للقـلـوب النظيـفـه=مااحد ٍشكي بسنيـن حكمـه ظلايـم
يـمــد للمـضـيـوم كـــف ٍ لـطـيـفـه=ألطف من الشربه على كبد صايـم
أقـبـل ربـيـع العزوأقـفـى خـريـفـه=والعاصـمـه هـبّــت عليهاالنـسـايـم
دون أرضها يلبس حزامـه وسيفـه=لاضامهـا مـن هـول الايـام ضايـم
درع الرياض وسيف نجد العفيفـه=عن شلة الإرهاب وأهـل الجرايـم
من شاف عينه لازعل جـاه خيفـه=من كلمته يصحـى عقـل كـل نايـم
خــيّـــال لظهورالمهـارالـعـسـيـفـه=مــن هيبـتـه يـقـوى ردي العـزايـم
عزمه مثل حـد السيـوف الرهيفـه=مثل العقـاب إن حـام بالجـو حايـم
فــي حنكـتـه ذلــل دروب ٍ كلـيـفـه=حـتـى رســم لــه بالتطـوّرعـلايـم
طــال بحضارتهاالجـبـال المنيـفـه= وأرسى على الدين الحنيف القوايم
فـي ظـل أبومتعـب وحكمـة حليفـه=سلطـان لانـامـت عـيـون الهـلايـم
يشـوش مثـل الحـر ماأحـلا رفيفـه=دون الوطـن مايستمـع هـرج لايـم
حكامـنـا مـثـل الـسـبـاع المحـيـفـه=كل السعود أدنـا مـن أدنـا صرايـم
من نسل ضـرغـام فعـولـه شـريـفـه=عبدالـعـزيـز مـهــدّي كـــل سـايــم
شيـخ ٍحكـم يــوم السنـيـن العنيـفـه=يــوم إنـهـا جـــوع ٍوذل وسـمـايـم
بالسيف ماهـو باإنتخـاب ووظيفـه=فوق الركاب الضامرات الهضايـم
يالله يـاعــازل ربـيـعـه وصـيـفــه=ياواحـد ٍ ماهـو عـن الـكـون نـايـم
ترفـع لهـم بالـعـز بيضاءصحيـفـه=ومن مـات تجـزاه الجنـان النعايـم