[صالح العبدالكريم]

امس افرّك بيدي حبة استفندي ............ واحلم انّي عايش بعصر المغول قلت اطبطبها على زندك وزندي ............ ومن يطيّحها على الثاني مهبول شفت هولاكو معه جنكيز عندي ............ وانا لابس زيّهم وعيوني حول وكلاً بيدّه عصا ويكوح سندي .......... ونسمع لمزعل ولا ندري شيقول قلت دامه خاربه والحزن يندي ........... فوق اغصان الحشا وشرحه يطول وش يطرّبنا لسماع الناهوندي ............ إلا كثر الضيم وانواع الحمول ضعنا مثل حكاية الريدينج وغندي ............. وكل طبخه تنطبخ حسب الأصول قومو حطينا العشاء تاريخ مندي ............ واكلو اللي تاكلونه يا العجول انتو يحرس مجدكم عالِم وجندي ............. واحنا يحرس مجدنا شلة خبول !