انا فرسك اللي جموح وسبوقه! = وانت لها بين الرجاجيل خيّال
قلبي بدونك من يبلل عروقه؟= من يعزف اوتاره اغاني وموال؟!
لك كل عشقه لك حنانه وشوقه= غمازتين الخد, والخد, والخال
لك نخلة الخافق, وتمرة عذوقه= الدم قهوه , والشرايين فنجال
لك بنستي ,خصلات شعري,وطوقه= الغره, الشلال, والميش, والشال
لمصافحك كفي عجولٍِ شفوقه =بعض المشاعربس باللمس تنقال!!
اظما لصوتك لاتصالك واذوقه=لو ما انت ما والله طلعت جوال
غيرك ولو هامورالاسهم وسوقه=لو كان جاوزمال قارون بالمال!
لو ترزم ارعوده ,وتكشح بروقه= ما بيه زوجٍ لي ولا ابيه رجال!
(ابسرق) اعجابك واصير (السروقه)=ابملكك كلك من ايمين وشمال
يا موضة الموضه ،،ويا ذوق ذوقه= من سكبة شماغك إلى ميلة عقال!