[نورهـ السبيعي]

عن نفسي

اخاف من الحشرات والحيوانات بكل انواعها
واخااف من المرتفعات جدااا لدرجة دايم احلم اني اطيح من جبل او من
لعبه في الملاهي

ومره موقف حصل لي ما انساه طول عمري بسبب حشره
ايام رمضان قبل سنتين كان وقتها طالع في الشرقيه حشره غريبه
وحتى كاتبين عنها بالجرايد شكلها كان غريب مره ، كيف اوصفها لكم
مربعه مدري كيف كنها دبابة او همر وصغيره تخوف من قلب
المهم
ايام العشرة الاواخر قلت لازم اروح الجامع علشان أخشع وأعتكف
رحت للجامع ودخلت وصلينا وخشعنا وقام الشيخ يقرا ويبكي وانا ابكي معه
وخاشعه جدا ..
في هذه اللحظات اناظر في اللي قدامي الا والله شي يسرح ويمرح فوق
راسها
واركز الا والله الحشره اللي شفتها بالجريده لحظتها قسم بالله مدري
وش جاني قمت انتفض من الخوف
وصار البكى ماعاد هو بكى خشوع صار خوف من الحشره
وراح الخشوع وراح كل شي وجلست اراقب الحشره لاتجيني
وجا وقت الركوع وانا حالتي حاله الركوع كان اهون اللي خلاص
حسيت اني ماقدر اتحمل وقت السجود وتعرفون ان سجود صلاة القيام
يطول وربي ماقدرت رفعت راسي اشوف الحشره جاتني والالا (ياربي سامحني بس والله غصبن عني )

عاد تجيني افكار مدري شتبي افكر ان اللي وراي بعد تشوف فوق راسي
حشره وخايفه وماتدري وش تسوي افكار لحظتها مدري وش تبي

وبس عاد خلصنا صلاه بدون ماتجيني هالحشره ولله الحمد