السلام عليكم ورحمة الله وبركاته
اتمنى ان ترقى لحسن ذائقتكم الرائعه
ودمتم بكل الود
هاتي القصيد الي له القلب مشتاق= نشوة قصيدك غير ياقبلة النور
هزي الحروف اجني من الشوق لاراق=يجمع عبيره احساس في القلب منثور
لله درك وصف واحساس ذّواق= كنه خلاصة طيب من جودة ازهور
لك في صياغ الحرف بسمه ومشراق=ولك في ضميري اهتاف واعجاب جمهور
يعشق حروفك عشق من لهفة اشواق= يهيم به لبلاد ويعبربه ابحور
لاذاع منك الحرف اتقول براق= يضوي بريقه ليل من رقة شعور
ليل(ن)سنينه ضيم في لباسه الشاق= عدى عليه ا لوقت دهور ودهور
لامرته نسمه ولاغيثها ساق= الآعجاج وبور واحساس مكسور
جيتي نثرتي الورد بحلة وفاق= جيتي سنابل ضي في حضورك سرور
بيدك ضمرتي اليأس في خندق وثاق= وزحتي ستار وكان لحضورك ظهور
جيتي وجمعت الشوق من غربة اوراق=لملم شتات الوقت في عدة اسطور
قولي وجودي زود لي قلب مشفاق= يطرب سماعك نضم بالصوت مبهور
انتي وقوافي الفرح في مركب رفاق=لك في وسيع الحرف بلدان وقصور
للشعر قصة شوق في قلوب عشاق=ياخذ ويعطي ويحسب حساب مجبور
وللشعر فيني نبض وطموح وآفاق=ارتوي به احساس وابني به عصور