قصيد ه جديده منشوره في جريدة اليوم بتاريخ اليوم
اتمنى ان تنال على رضاكم
وهذارابطها
http://www.alyaum.com/issue/page.php?IN=12362&P=23
الـجـادل الـلـي لـهـا بالقـلـب قــدْر ومـقـام=يـا وجْــد حـالـي عليـهـا كـثْـر حُـبِّـي لـهـا
نجلا العيون بْهَدَبها شوق ما ادْري خِصام=يــومٍ حَـكَـت لــي مــن اللهفــه مظاليلـهـا
فـيـهـا دَلال وجـمــال وكـبـريـا واحــتــرام=تضِـيـع كــل الـعـذارى فــي طــرَف ليلـهـا
لا مـن تثـنّـا عـلـى ردْف ٍ يضِـيـم الـحـزام=عـزِّي لنفـسـي مــن الغـربـال عــزِّي لـهـا
لا جَت تعدّ الخطـاوي طـار سـرْب الحَمـام=مــن قـدّهـا لا اقبـلـت كـــلٍّ يـسـمِّـي لـهــا
رعْبـوبـةٍ فــي وصايـفـهـا يـضـيـع الـكــلام=أتعَبـت حِبْـري وانـا اكتبـهـا وأغـنِّـي لـهـا
لا سولفَـت لــي توصّلـنـي حــدود الغـمـام=وأطـيـر مــن فرحـتـي وأشـعــل قناديـلـهـا
حَبّيـتـهـا لـيــن عـدّيــت بـغـلاهـا الـهـيـام=حـتـى شـرَبـت الـسـعـاده مـــن فناجيـلـهـا
منْهـا تعلّـمـت وشـلـون اختـصـار الـغـرام=ليـن اختصـرت الـدروب اللـي تـودِّي لـهـا
يــا ليـتـهـا بـــسّ لـومــرّه تـــردّ الـســلام=والله لاخلِّـي بيـوت الشـعْـر تصْـخـي لـهـا
وأقــول كــلّ الـغـلا لــك واتـحـدّى الـمـلام=مـــا دام مـــزْن الـغــلا تـمـطـر هماليـلـهـا