إقتباس:
الرسالة الأصلية كتبت بواسطة مسفر الدوسري
آخر أفق تخيلته ..أهديه لقلوبكم أجمل مدى تنفسته،
[ COLOR="darkred"]
الليله بس.. لاتزعلين!
لو مهما حاول الزعل
يغريك فيه
لا تزعلين!
أو بالغلط..
صوتي وصل لك ممتلي
بعضه .. رماد
لاتسمعين!
الليله بس أحلّفك..
لا تزعلين!
الليله ولّعت الشموع،
وزهّبت لك..
بياض شعور..
بيردّ لك من ياسمينك..
ياسمين.
الليله عطّرت الطريق..
اللي بيجيبك
من ربيع
لحظة فرح
شابت
مشاوير ..وحنين!
الليله ياشمسي..
أنا..
جنّحت لك ..قلب الظلام،
قبل تجين!
وكبّرت لك..حجم
السما
قبل لا إنتي..تشرقين!
وبشّرت بك..
نوارسي..
وحزن مواني بارده
ماتت صبر
وهي ..تنتظر
ريحة حبايب من قبل
لا يسافرون...
مسافرين!
قلت للأماني اليابسه..
في سِدْرَة أيامي.. تعيش.
قبل لا إنتي تمطرين
وزينتها
من حلوى عيد الذكريات
ولبّستها
ثوب من شذى..
كل الزهور..اللي بقَت..
رغم السنين!
تصدقين؟!!
قبل تجين.. أنا انصدمت!
حسيت ما عندي..
.. ثياب!!
ولا عطور!
والليله ماعندي ..حِبِرْ!
ولا بحر!
ولا سما.. ولا مسا!
ولا مكان .. يليق بك،
ولا.. أُكسجين!!!!
الليله
خليت الشبابيك العتيقه.. موحيه،
لا هي اللي مفتوحه: ندا!
ولا هي مردوده:سكوت!
وكل ما تَلَتْ
عينك على قلبي سُوَر
سبَّحْتْ.. وقال كلي:
آمين!
الليله قلت ..
لرموشي.. وعيوني رجا:
تكفين لا.. لا ترمشين!
جمعت أصابع كفي لك
لوّنتها
وسمّيتها...!!
هذا ..جمر
هذا.. شتا
هذا .. صحو
هذا.. مزون
والخنصر هذا .. سميته:
مناديل الرضى
كل ما نويتي ..تدمعين!
الليله بس..
الليله بس إرضي علي
خلّي الزمان.. اللي لقى
صبح القصايد
يكتبك
جنون مصابيح وصوَر...!
يملى المخابي بالفَرَج
و..سنا أغاني..
غنّّتها ليال الصابرين!
أحلّفك
باللي ملاني فيك.. حب
وجمّلك
قسوه..ولين
لا تزعلين
الليله بس..
لا تزعلين.
بتزعلين؟؟؟!!![/COLOR]
|
لله درك يامبدع ماأسعدنا بهذه الهدية يامسفر
والله أن وجودك سبب سعادتنا هذه الأيام
ولحروفك وشاعريتك أكثر من وقع على مسامعنا وقلوبنا وذائقتنا
لا خلا ولا عدم من تواجد قلبك بيننا
