[عبدالمحسن بن سعيد]

أحبتي كل عام بل كل يوم وكل وهله وأنتم بحب وبوصال وبألف خير

وكل نص ونص وأنا واحد

ممتن لقلوبكم أو لقبولكم


والآن أسمحوا لي أن ابوح لكم في هذا المتصفح ييعض مافي النفس

.
.
.
ولكن تذكروا

قبل كل شئ

وبعد كل شئ

وأثناء كل شئ

أننا بالحب فقط

نستطيع

أن نفعل

أي شئ

.
.
.
.

من مذكرات رجل لايتذكر أي شئ

	الحلقه 13,75

الإهداء إلى علبة سفن أب على طاوله صغيره فوق قمة إيفرست

.
.

سادسا ً

صوت الكناري ثلاث جروح في صدري=والخامس اللي لبس لرضاي عنابي
لاتسأل التوت يامولاي عن قدري=النرجس أبخص وأظن عيونك أدرابي

.
.
.

إحذر فالشعور مراقب بالأفكار

.
.

حاول الدخول الى الخارج من فضلك .!!

..
.

. وجا ... من أقصى البحر ...... موووووج وكان ماباقي بكاسك .... إلا بصمات أصابع ورووووووج وكان عطرك .... قد تلاشااااااااااا بس أشــمـّـه ..!! وكان طيفك ... ماهو عندي ماهو عندي وكنت أضــمـّـه وكاااااااااان أي إحساس فيني وكل إحساس فيني غير حبك ... ألـعن أمـّـــــه ... .

((آسف على اللعن ولكن المخرج يبغى كذا .... وأوعدكم أنها أول وآخر مره ))

.
.
.

والآن يمكنك اختيار إحدى ثلاث : 1- أن تقرأ بجنون كل مايكتب بجنون . 2- غير متاح لك . 3- متاح ولكن لغيرك .

((علشان ما احد يقول ماني شاعر ديموقراطي ))

.
.
.

	تحذير أو ربما عتاب

..
.

عطني صبر مابيك تعطيني وعود=ترى الوعد لوطال .. ماني بقاوي
علمتني كيف الظما يكسر العود=وفهمتني وشلون يضحك شقاوي
والحب لوّه في حشا الروح معقود=ينفك من كثر العنا والبلاوي

.
.
.

إسقاطات وربما سقطات

. كنت أمسك المصقال .. وأرميه في الحفره وأركض .. أركض .. أركض .. وأنا لابس .. شقووووووق ٍ في طرفها ثوب وأختار للصقله .. حصاتين وحصاتين ... و( خال ) وأركض .. وأركض .. وأركض .. وأنا لابس .. ( وصـــــخ ) أنظـف من ثيابي وأطهر من أحبابي .. همّي .. هو النـّحـشـه .. وأحل .. في الحـبـشـه .. آآآآآآآآآآه آآآه آآه ياحـز الكـلبـشـه .. مدرسة طارق بن زيـــاد .. ماعلمتني .. منهو طــارق ؟؟ أدرس وفااااااااااااارق !!! وأستخرج الخمس الواااارق .... .

.
.
.

	وقت مستقطع

تدرون عاد نفسي اقول لكم شئ كذا من القلب للقلب تعرفون وش أحلا مافي لعبة ( المونوبولي ) لما تجيك فرصه والا صندوق جماعه وتكون (( عد الى نقطة البدايه )) ياليت في واقعنا (فرصه) أو ( صندوق جماعه ) كان أحط بكل أرض 5 فنادق ...

((على الأحبه اللي مايعرفون لعبة المونوبولي مراجعة الاداره وعدم العوده الا بأولياء أمورهم ))

.
.
.

	رفض أو يمكن قبول

والوقت يومه يحن النفس وش خصـّـه=لا الجرح جرحه ولا العبرات عبراته
بالله يالغيم إذا شفت المطر وصـّـه=لا يسقي اللي ظما بي غير طعناته
المترف اللي شربته قبل ما أغصـّـه=غصيت بأحلا سواليفه ونظراته
أول من أرخا المسا لكتوفه وقـًـصّّـه=وآخر من أحيا النهار بشمس وجناته

.
.
.

	أولاً

يقال بأن الرجل الشرقي يحب أن يكون دائما ً الاول قي حياة المرأه والمرأه الشرقيه تحب أن تكون دائما ً الأخيره في حياة الرجل ..؟؟ .... وهناك فلسفه إغريقيه تقول ان من يتمنى ثم ينفخ شعره من أهدابه فإن لامست هذه الشعره صدر السماء تحققت أمنيته .. !! وفيما بين الأولى والثانيه كانت هذه الصغيره

ياصغيره ... من ودك .. تكونين بحياتي .. أولى أحبابي .. وعشقي .. وإلا ياعمري ... الأخيره .. أرسمي .. كلمة ( أحــــــــــــــبك ) أكتبي .. ( قـلبي وقـلـبــــــك ) وأمـســـحيها .. وأكتبيها ,, وشقلبيها .. وخذي شعره من عيونك .. وأنفخيها .. وغمضي غمضي وقولي تعاااااااااااااااااااااااااااال فتحي ....... شوفيني جنبك أرمي الزهره وشوفي.. كم طلع لك .. كم طلع لك .؟؟ إن طلع زوجي حضنتك .. وإن طلع فردي حضنتك .. ومهما طاولنا الزماااااان والله اني معك .. حتى معك .. مايوم خنتك ياللي لو شبهت ظلك ,, بألف شمس ,, وألف صبح ,, أدري أني .. كنت أبمدحك .. وأهنتك .. غمضي .. غمضي .. وقولي تعااااااااااااااال فتحي .... شوفيني جنبك أمسكي بيديك ورده .. وأقطفي أوراقها .. وحده .. وحده .. يا أحــــــــــبك .. يا أحـــــــــــبك ولا تعبتي من الوروووووود .. هزي ( مرجوحة هوانا ) وغني ( أنشودة لقانا ) وأرسمي كلمة ( أحبك ) وأكتبي ( قـلبي وقـلــــبك ) وأمسحيها ,, وأكتبيها ,, وشقلبيها ,, وخذي شعره من عيونك وأنفخيهاااااااااااااااا وغمضي غمضي وقولي تعااااااااااااااااااااااااااااال فتحي شوفيني ... جنبك وأحبــــــــــــــــــــــــــك

أحبتي
ومن حب إلى حب
ومهما طال الغياب
لابد اننا
رغم أنف البعد
بالـحـــــــ سنلتقي ـــــب

فقط اعذروني على تقصيري وقصوري
وعلى عبثيتي وخربشاتي التي خلقت فيني أو ربما خلقت فيها
ولنا لقاء في الحلقه السابقه إن شاء الله

أحبكم
عبدالمحسن