[محمد بن حليلان]

سلام يا نايف وانا خابرك للديـــره سفير ..... بعض الهروج الحاصله ما سرّني منطوقها
وانا على قنص المعاني شايل ٍ بندق و طير ..... بس الهزيله من قنص طير السعد ماذوقها


يا مرحبا ترحيبتٍ تطلع كما البـدر المنيـربعداد ما هلت مـزونٍ مـا تكـف بروقهـا

خابرك رجال تعرف القطن من سلك الحريرون صدت هات الصيده اللي كافخٍ معلوقهـا


دام البقا يا صــــاحبي والعلم يبغى له مدير ... ينصف كلام الناس ما يهضم جميع حقوقـها
يبو سعود الله يجيــرك من عنا الوقت الاخير ... ياللي تجي من تحتها مدري تجي من فوقـها


القوم جونا يعتزون بعامـره وم العميـرون وصلت الدعوى تراها ماتفك حلوقها
اللي نسانا ياولد ماهوب في ماجوب خيرحنا سترنا العوره اللي شاردٍ معشوقهـا


في هالزمن يكبرصغير و يصغر الرجل الكبير ... والناس معرف وش خفاها بس اعرف فروقـها
يا نايف نعرف البحر لا شك و نعرف الغدير ... ما تسترك بعض البشوت اللي تبين شقوقها

ما فيه شك ان الكبير يشيل ما شـال البعيـروالعالية في سوقها والنازلـه فـي سوقهـا

انا سبحت مع البحر ياللي تسـح ولا تطيـروالبس بشوت اهل البخت وادي جميع حقوقها



ماقول فيك قصور يا بعيرٍ نسى صوت الهدير .... يرغي وبقعا تكّله من مايـــلات عذوقها
لا تلبـس ثياب الغناة وقلبك الطيــب فقير .... و لا تقبس النار و توهق في علاج حروقـها



بقعى ليا مس الحقب يمكنها لو تستدير ==== يبين لك وسع الثياب الضافية من ضوقها

وانا كسبت الاوله وانته ليا ساقوا تحير ====== لعلها ما تنتثر وتردها وتحوقها



بقعى رمت بك يا وسيع المعرفه في جوف بير ... الله يعين رجولك اللي تشتكي من عوقهـا
كانك غفيت و صرت تحلم قلت لك منته بخيـر ... والناس نعرفها ليا شفنا الوسم في نوقها



وراي اسوقك للسهل وتحيز للدرب العسير ==== واعطيك امانات العرب يا صاحبي واتبوقها

ان كان ما عندك شوير اصبح ودور لك شوير ===== حتى تميز سابق العربان من مسبوقها


شعار كبار والكبير الله.. وأبيات جزله .. أستمتعنا بها من شاعرين قديرين..

الله يبيض وجيهكم ولاهيب غريبه عليكم يا أثنين دائما ما تكونون قد الحدث..


الله لا يهينكم على هذا الإبداااع.. كان ودنا بأكثر ولكن للدوام أحكام..


تحيااتي