[دمعة الحاشي]

بسم الله الرحمن الرحيم


[gl]نعود الى شاعرنا الكبير هواش ؟ وهو يسب حضه الى درجة انه يقول حظي كفربي ......اتمنى ان تعجبكم ....الله يخلف تعبنا وياكم [/gl]
[poet font="Tahoma,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="1,black" filter=""]
للشاعر/ هواش بن عايد الحربي.


هاذي ثلاث أيام والريح غربي = وضرت شفاشيف شجرها مشافي

تنسف على روس المراقيب تربي = ونص العدود تصيبها بالجفافي

سلام للعزام من عند حربي = اهل هلا يوم المعاوش أقضافي

سلام أحلى من لبن بكر عربي = أهل السلوم مشيدين الرفافي

ياما نصاهم من بعيد وقربي = هجن مواجيف عليهن هجافي

ياريف من بلواه تزداد كربي = وحيد يحدى بالحديد الرهافي

اشكي وابي جهالكم تعتبربي = والا الرجال يثمنون القوافي

لوكان فعلي زان حظي قصربي = أنا نقصت وصاحب النقص وافي

ياهل المروه ماغدا من قطربي = ماخفي عليك ولاعلى الله خافي
اللي نتاجر به من أول تجربي = وأنا صعب والوقت زين عسافي

والحقد والبغض الدفين أنتشربي = والحظ جندي من جنود المطافي

شبيت ناري من غضب مستعربي = وجاب المطافي لين صارت عوافي

وليا تبادلنا الشتايم ظفربي = عندك خبر كيد القوي للضعافي

نظرت طليب ليا طليبه نظربي = وعن سبقه مايظهرني خفافي

حظي عن الماء للمظامي صقربي = وارد حتايف ييبسن الأشافي

وفي مثل بيت العنكبوت أختصربي = وسجل عليه زلتي بأعترافي

ومن مجتمع حيّ لحالي ظهربي = ويوم التفت ليا ركابه مقافي

كل الليالي منسدح لي بدربي = وليا قعد جاء لابغض الناس لافي

ومن العوالي للطمان أنحدربي = ويوم أدبرت معيه يطق الدفافي

وان غبت عن حذف الشوايا حضربي = ويغيب عن خير على الناس ضافي

أول يصالح والسنه ذي غدربي = قلط لي الذرنوح مع ذوب صافي

حسيبه الله للمهايف شهربي = ومن الطفوف يدفني مع مهافي

صايم مصلي مير حظي كفربي = بين القضا والصوم جوّد كتافي




[/poet]