[حمود الصهيبي]

نواف لله درك ..

ياكثر ماني بهاللحظه ... تمنيتك
...........وانا ادري ان الشعور الصعب ذا جالك

شعرت بك تبكي غيابي ووصيتك
.......... لو يتعبك هالمفارق.. ماانت بلحالك

مثلك ..شربت الفراق وماتهنيتك
............اظماك واظما على غيبتك ..واظمالك

واليوم انا كل ماسجيت مريتك
............. بالحلم اشوفك تواعدني مع امالك

يالموعد اللي ثلاث سنين ماجيتك
............ كم طير غرد على غصنك وغنالك ؟

كم قمري ٍ ناح في صدري وضميتك؟
.............. كم عمر باقي على ذكراك واطلالك ؟