[فوزي المطرفي]

1
لما تغيب الشمس يا بيي
بـــرجع
تـ أشرب قهوتي بالبيت
بحمل على ايدي الصينيي
وبجطّ فنجانين يـوميي ،
متل الكأنك بعد ما فليت .

2
ساعتك لليوم بعد بدورّا
وبفتح بواب خزانتك وبسكرّا
بطلع بمحرمتك ،
بعكازتك ، كتب الصلاة،
بطلّع بمسبحتك .
بصورا إلك عتقت ع تزكرتك،
وكل يوم بفوت تختك رتبو ،
متل اللي هلق قمت من تختك .

3
بزكر هملتك بالعمر مرات .
بزكر نسيتك بالعمر مرات .
بيي
بيقلك دمع عينيي :
يللي سنينك كنت تعصر لي،
واسمي ع باب الشمس
تحفر لي ،
أغفر لي .

*
جوزيف حرب

.