[poet font="Simplified Arabic,4,crimson,normal,normal" bkcolor="white" bkimage="" border="double,4,sienna" type=0 line=200% align=center use=ex length=0 char="" num="0,black" filter=""]
ابونوت
الله - الله - الله
صح لسانك
صح لسانك
صح لسانك
صح لسانك
صح لسانك
صح لسانك
صح قلــبك
صح كــــلك
-
-
-
ياطير مالك والمسابيق واللــوح 000 واللي الى منك تنكرت صاحــي
رف الجناح وبعد الشوف والــشوح 000 وحوم على العارض عزيزالضواحي
وسلم على الجراح بلـسان مجـروح 000 وقله تراه من الخطيه مباحـي
وقله ترى صبره من الوجدمشــحوح 000 عود تراه ان طول الهجر راحي
وقله رقيت براس رجمٍ بلحلــــوح 000 ولقيت رجمي والطمان متواحـي
وقله مهيضني على السدره النـوح 000 من راعبيٍ في خوافيه باحـــي
وعطه الحروف ويكفي الحرف للبوح 000 عساه الى منه قراه استراحـي
فيه الغرام ودمع الأعيان مسـفوح 000 ادله والى مني تذكرت سـاحــي
كله عليك ومنك ما صــار بالروح 000 انت السبب في نازفات الجراحي
اول كلامك عذب الانغــــام مملوح 000 بعجابك اللي من جميع النواحي
وآخر كلامك سر الايـــــام مشروح 000 اجتاحني بين الضلوع اجتياحي
وملكتنـي ملك المماليـك بمـزوح 000 لين ان سد المنع بيديك طاحي
وصديت كن الود والعـرف مذبــوح 000 وخليتني كني كسير الجناحــي
مالك ورى قطع المعاليق مصلــوح 000 ولالك ورى تعذيب روحي صلاحــي
وخلاصة الموضـوع والقلب مفتــوح 000 وفي داخليه للموده مراحـــي
ان جيت صوتي من مناداك مبــحوح 000 وان رحت فالدنيا وسيعة مناحي
وسـرك ترى لو جرت ماهوب مفضـوح 000 مانيب من عقب الموده يلاحــي
ومسموح منتب فـاول الناس مسموح 000 كم واحدٍ قفا بليا سماحــــي
وكم من غرامٍ يدخل القلب ويـروح 000 ايام ويجيله من الغدر ماحـي
[/poet]