[منتهى القريش]

صباح الخير ع الجميع

اخوي عبدالرحمن اليحي الله يخليك علق ترى عادي ما ازعل ولا اعصب ولاني حساسه

صديقي يزيد خلاص صرنا اصدقاء
انا كنت هنا وما عندي كلام اقوله لاني احس بغصه وشرقه وعربدة في المصارين ... ما ادري ويش سالفتي مع المصارين يمكن يمكن والله اعلم عشان المصارين قريبه من بعض ومتصلة ببعضها البعض كالاصدقاء بس احيانا تحس انها تعورك
اذا دخل عليها جسم غريب... يعني مثلا اذا جرحك صديق تتعور هنا يكمن وجه الشبه (يا سلام ع الفلسفه من الصبح)

بما ان الموضوع تشات ... يعني سوالف وفضفضه طيب راح افضفض واسولف لان قلبي يعورني شوي

الا يزيد ودي اسأل سؤال وودي القى اجابه... اذا حد مثلا مثلا يعني تجاهلك ايش يكون شعورك؟
يمكن تقول عادي طناش .. لا مو عادي طيب راح تتساءل ليه هالانسان يطنشني من دون خلق الله؟
اذا بيني وبينه مثلا مثلا يعني عداوه لا سمح الله يوضح سبب العداوه بس مو يطنش ...
انا عن نفسي اذا حد طنشني وبدون سبب واضح قلبي يعورني وابكي مثل الاطفال

والله ما ادري ايش قاعده اقول بس من كثر الاكتئاب قاعده اسولف معي وبما انك أفشتني هنا قلت يالله اسجل خشوش وافضفض شوي عس وعلى ارتاح ....

جيت ادورني وما لقيتني... رحت ادورني هناك لقيتني مبعثره هنا وهناك ... حاولت اجمعني ما قدرت