oo.. قهرني يشهد الله باح سدّي ..oo
مساكم الله بالخير
في البداية وقبل كل شيء...الفاتحه على روح المرحوم الشاعر: عبدالهادي الخليوي...
واتمنى ان تكون هذه المتواضعه محل اعجابكم جميعاً...
صلوا على النبي...
يطيب الشعر في حظرة سموها=واهيم ليا طروها وأتجلّى
واشوف انها حياتي شف بالي=ولا احدن غيرها في القلب حلّى
عظيمه والله انها وسط قلبي=عشقناها وعشق الغير ولّى
عشقته كثر همال السحايب=وكما عشق اليمن لأرض المكلّى
وليا من شفته اصبح كالمخدر=واصيح من القهر وش عاد خلّى
سهرت الليل يوم الناس ناموا=وعلى ذكره بديت اٌسج واسلى
بعدها لعنبوه اقفى ودّبرْ=جفاني..صد عني..ثم تخلّى
قهرني يشهد الله باح سدي=ومع كثر الغلا زاد وتغلّى
رسم في داخلي جرح الندامه=سِعِد من هو على مثلة تبلّى
يحَسْب إني بأجيه أحب كفه=حشى في ذمتي..لا لا وكلّى
اعَرْفه ما نساني يوم واحد=واعَرْف إنه يبي بس إيتغلّى
وانا بأقولها والله شاهد=ما دام إنه تغلّى...فيتخلّى
والا يا الله تفرحني بهجره=عدد من حج بيت الله وصلّى
وانتظروني انشألله قريباً في مرثية للشاعر: عبدالهادي الخليوي رحمه الله...
تقبلوا فائق احترامي
اخر تعديل كان بواسطة » ثامر الشعيفان في يوم » 16-11-2006 عند الساعة » 19:12.
السبب: تعديل العنوان
|