[متعب الخامسي]

رسالة حب محتواها ابيات عذبه ومعاني راقيه يغلفها الإبداع من كل الزوايا




كنت أحاول آتجنب "طيحتك من عيني"
................. وآتغاضى عن طعونك لوّها غلابة


وكل ما زاد الصبر زادت طعونك فيني !!
.................. لين ما حلّ الفراق المر يا طَلابه !!

الله عليك تصوير رائع يبعدنا عن تخيل النهايه بأسلوب أروع


رح بعيد أبعد من الدمعة على جفنيني
................... خل فيني لو بقايا قلب لجل أحيابه


صعب أعيش العمر كله منتظرك تجيني
................... وإنت ما خليت لك عذرٍ وأحسب حسابه


رح وإلى منه " خذاك الشوق " لا تطريني
................... ولا تفتّـح " للقلوب الساهيات " أبوابه


رح ولكن قبل لا تقفي أبيك تجيني
.................... " منتهي " .. وأحتاج منك يا غلاي إجابة !!


ليه لا مني بغيت أهجرك يا نصفيني
..................... آتخيل صدتك عني !!.. وأخاف آجابه ؟؟



أكذب إن كاني أقول الحب لا يعنيني
..................... وين أبسلم من مخالب طيفك ومن نابه ؟



إنت لو تدري وش يسوي غيابك فيني ؟
....................... كان ما بيّت في صدرك كثير أسبابه



ويل حالي لا غديت وضعت من يدّيني
.......................... كن " أبو ليلى " طعن صدري بـ أَحدّ إحرابه



والله إن تبطي وأنا أهواك يا مشقيني!!
...................... وآ تغاضى عن طعونك لوّها غلابة !!



وأعتذر عن قولتي لك " طايحن من عيني "
...................... طحت منها !! ... لكن إن قلبي فتح لك بابه



قصيدة ماأمل من قرأتها كل ما ادخل قوافي البوح

أبيات بعيدة عن التكلف الزائد مرسومه بأبدع لا يجيده إلا شاعر متمكن ومبدع

سلمت يمينك ياثامرودام ابداعك
وصح لسانك بقدر إعجابي بما كتبت

تقديري واحترامي لك ياالغالي