بندر بن محيا
من اللي قَال مَال الشِّعر وقفة لاجل تنهيدك
.......... من اللي قَال تنهيدك قصيدة شعر ما تُكتب ؟!
أنا ماني على قيد الحَيَاة اللي على قيدك
.......... أنا قيدي حَيَاة ٍ لا اسْتَرحت ابْهَا بديت أتْعَب!
مواعِيد الوصل في يْديك يامَا أكذب مواعِيدك
.......... وأنا لو إني أفهم بعض كِذبك..قلت لك تكذب!
:
ثلاث أيام أو حول أربعة ما كنت في عيدك
........... جَلست بمُفردي..بيني وبينك كنت أبي أهرب
أَشبّهك بصباحي ..مغربي ياصعب تحديدك
........... مادامك شَمس تَطلع في سمَايَه ما لها مَغـْرِب!
:
وَ لا أقول الرِّضَا قمّة عَذَابك قَبْل ما ارِيْدك
........... أقول إن الرِّضَا نَهْر ٍ لك بقلبي عَجَز يَنْضَب
عَذَاب ٍ مِنك ما قصّر غَلاك إلا بدا يْزِيدك
.......... بعين ٍ قصّرَت في شوف غيْرك..فِيك تِتْعَذّب
:
هلابك مَسْهَلين الأرض أرضك..(اعتبر بْيْدك
........... حَنَايَاي النحيلة) يا نَحِيل الخصـْر يا مُرعِب
:
إذا هاذي قصيدة فالفَضل يَرجع لتنهِيدك
...........أنا مِن عَام أبي أسمع تَنَاهِيدك..أبي أكتب!
نبي نقرأ !!
!!!!!!!!!!!!!!! ... الخ ( ولكم أن تضعوا من علامات التعجب ما شئتم )
ليتك زدتنا يا بندر
قرائتك لا تمل !!
أعتب عليك قلة التواجد يا بندر .. فمثل قلمك لا نطيق غيابه
تحياتي تصلك أينما كنت