.
يرتب العيد لقاءاتٍ مفاجئة مع الشعر, في ليالي الفرح الأولى, كانوا بجانب الضحكات يتسامرون, أحسست برغبة الكتابة الخاصة تثيرني.. وقبل أن يسألوني, أجبت حبًا وكرامة:
*
\
/
*
قصيدي في احتفالٍ يجمع القاصين والدانين
بشايره الرضا من راس شيخ القوم "عبدِالله"
الا يامرحبا ياعزوةٍ قالت هلا واهلين
بعلم الغانمة والطيب والفنجال والدله
عدد وبلٍ نشى واسقى مقابر "تربة الغالين"
الا يامرحبا في مرحبا من قلب منهله
الا ياحفاد عبدالله بن مسعود راع الدين
هذاك اللي موازن ساقه أثقل من أحد كله
شهد حسان بن ثابت هذيلٍ أشعر الحيين
وقال الشافعي : أهل الفصاحة مالهم زله
مفاخر دون التاريخ سيرتها لنا تدوين
وزاد من الفخر نسلٍ دعو للدين والملّه
يقول المطرفي يومٍ تهيّض بالشعر ذلحين
الا يا سعد حالي يوم اشوف الربع والحلّه
الا يا سعد حالي يومهم فالعيد مجتمعين
سلالة جدٍ أشهر للمعادي سيفٍ وسلّه
يعلمني ابوي ان الوفاء زرعٍ مابين اثنين
ومن يجني محاصيله تشوف الخير في ظلّه
يعلمني ابوي ان الصبر من شيمة العالين
وانا من علم ابوي آسوق هذا الشعر وآهله
عسى جمعة ذوي لافي تقارب حد رمش وعين
يقول المطرفي واللي بقى في النفس عند الله!!
.