[سالم بن جلعان]

[poet font="Simplified Arabic,5,white,normal,normal" bkcolor="transparent" bkimage="http://www.zizooo.ws/gallery/35/025.jpg" border="none,4,gray" type=2 line=200% align=center use=ex length=0 char="" num="0,black" filter=" shadow(color=0,direction=0)"]

.
الليل للمنتظر يالله سرى نصفه =والله علم كيف يسري نصفه الثاني
ياليل جرح الصبر ينخاك من نزفه =عجل بتاليك خل الطيف يلقاني
كن كل شي بغيابه ينتظر حتفه = والله كل الوجود بغيبته فاني
شف كيف ( خنجر فراقه ) هدني نجفه = شف وين حظي الردي بالله وداني
من غاب وانا عيون ٍ تسكن الشرفه =اجي .. وتشكي علي بُـعده وتنخاني
قالت ذبحني الحنين لباهي الوقفه = الله يا وقفته ... هذيك شي ثاني
اشتقت واشتاقت الجدران والغرفه = بالله قل له يعوّد لو على شاني
لديت للباب .. ون وناحت الدرفه =سالته الشوق صابك ؟ .. قال واعياني
وجه الشوارع حزين ومكتئب خلفه =والورد ذبلت غصونه وسط وجداني
ياليل تاج الحلا والطهر والعفه = روَّح .. وبستان صدري بالغلا داني
بالله كيف الهنوف الكاعب الترفه !! = عسى قوت بعد دمعتها تناساني .. ؟
لي فوق عامين والافراح منكسفه = من ودعتني وانا ادري انها تمناني
من بللت وردها ثم عضت الشفه = والهم يشرب عروقي لين يرواني
لا عادها الله ليله ليلة الزفه = ليلة رثيت الفرح بعيون خلاني





[/poet]