ســـؤال وحــاجه
[poet font="Simplified Arabic,5,white,normal,normal" bkcolor="transparent" bkimage="http://salem499.jeeran.com/خلفيه%20للنت%20زرقا.jpg" border="none,4,gray" type=2 line=200% align=center use=ex length=0 char="" num="0,black" filter=" "]
... سالته فلم يجب ... طلبته فلم يهب...
.
.
.
يا حبيب العمر يا اقرب وابعد أمنياتي = يا لمحال اللي تعلق فيه قلبي لين ذاب
قبل لا تقفي ويقبل باثر خطواتك مماتي = قبل لا تبعد عن عيوني ويسكنها العذاب
ودي اطلب منك آخر حاجة ٍ لي في حياتي = واسألك قبل الوداع المر وابغى اسمع جواب
بسألك يا أغلا الحبايب ليه كن بالك يحاتي = وليه كني في ملامح وجهك آشوف ارتياب
انت خايف من فراقي !! يشهد الله يا غناتي = ان غيابك موت ينهش بالف مخلاب ٍ وناب
وانه اقسى في عيوني يا عيوني من وفاتي = إي ورب البيت أقسى .. ويش جاب لويش جاب
وان أهم أعياد عمري .. يوم ما تلفي وتاتي= ذاك يـِعْـرَف في عيوني لو لبست أردى الثياب
رح ولو ما عاد مني .. كون يالغالي رفاتي = حط في بالك بأنه يعشقك تحت التراب
وحاجتي منك دخيلك طالبك طلبه صلاتي = قل لطيفك لا يضيعها ويحرمني الثواب
كل ما أكبّر يسبل لي رموش ٍ ساحراتي = ويبتسم لي والبرَد في التوت والعناب طاب
إيتمايل في عيوني لين يفقدني ثباتي = ويجمح بعقلي ويفتح للخيال الفين باب
لا ويسالني ويضحك انت قد شفت بحلاتي ؟ = ويغمز ويلف خصله باصبعه مال الذهاب
كيف اقاوم هالورود وهالعيون الناعساتي = وكيف ارد الغيم وانا اللي يحاصرني السراب
كيف اسوى لا انثنيتي يالغصون الناعماتي = وكيف اصلي الليل دام الشمس جات بلا حجاب
ما لي الا اقول تكفى طالبك طلبه صلاتي = قل لطيفك لا يضيعها ويحرمني الثواب
[/poet]
|