[سالم بن جلعان]

[poet font="Simplified Arabic,5,orange,bold,normal" bkcolor="black" bkimage="" border="groove,5,gray" type=2 line=200% align=center use=ex length=0 char="" num="0,black" filter=""]




ياليل جفني نديم ٍ للسهر والعنا = من شفت دمع الفراق بسود عكش الهدب
له جيت كلي حياه ورحت كلي فنا = يا ما اثقل الحمل والحمال ظهره حدب
الله لنا قبل اجيه وبعدها الله لنا = الاقدار تكتب وحن نمشي على ما انكتب
يا ليل أشوف المنايا في عيون المنى = من صار شوفه سراب .. وضحكتينه عجب
لبيه يا ليله الحالك وطيب الجنا = ولبيه يا عضته بالثلج فوق العنب
ولبيه يا صبح جيد وعود يوم انثنى = اعتذرت الخيزرانه عن نوايا العتب
ولبيه يا موكب ٍ صدري عليه انحنى = يجري كما الشمس بعروق ٍ تدانت رطب
لبيه يا طيفه اللي فل صمتي غنى = واصبحت اغني لموت من الرموش انسكب
أمسك على جمر وصله واحترق له ضنى = والموت مقبل وكن القلب يرقص طرب
حيره .. اذا شفت موتك يرتبع ثم دنا = وتحس كنه بيطفي في ضلوعك لهب
يا حب هي سكتين وتاليتها هنا = مابين بوح العيون ونبض قلب ٍ تعب
اما يضمك ندى غيمه وومضة سنا = بعيون ما كنها تحسب حساب العرب
والا فسقها لبيد ٍ غارقه في الهنا = واشك ِ النفل للخزامى في طعوس الذهب
بيد ٍ ليالي شتاها عارفه من أنا = لاني اشب لدفاها من ضلوعي حطب


[/poet]