[خالد الحربي]

.

.

من الصباح غصن ..

ومن الغصن عصفور ..

يغرد وكل الأشجار تنادي للحنــين ..

للأنين ..

ألا يا مجـبـّر كـسور الخواطـر "=" وأنا لي خاطـر ٍ.. ليتـك جبرتـه
عمـرت الحـب في صـدري عمـاير "=" على شانك ولعـيونك عمرتـه
أبيك بخاطـري تنهـى .. وتامـر "=" وتسكنـّـي .. وتجبر ما كسرتـه
مابيك تزورني يوم .. وتســافـر "=" وتنساني .. وتنسى ما ذكرتـه
أنـا كم لي وأنا يا زين صـابر "=" وأشـوفه ما نفع .. صبر ٍصبرتـه
وكـم رمـح ٍ سطـى بأقصى الضمـاير "=" وكـم ليل ٍ على شانـك سهرته
تصـرخ دموع عيني بالمحاجـر "=" وأنـا لولا الحيـا .. دمعي نثـرتـه
ومـادام إنك تبي فـرقاي .. حاضـر "=" أنـا من يشتهي هجري هجرتـه
بشـد ركـاب حزني .. وأهاجــر "=" وإذا ما خاطـري يقدر .. قدرتـه
تكـّـبر .. قد ما تقدر .. وكـابر "=" تـرى وقت المحبـه طــاح كرتـه
يقولون الهـوى يا زيــن كافــر "=" وأنـا دم الهوى بعــدك هدرتـه