هههههههههههههههههههههههههههههههههههههههههههههههههه هههههه
يحليلك لو اقول لك عن دلاختي يوم كنت صغير يووووووووووه والله ما تسولفين معي
اول كنت صغير >> بالله كنت صغير سبحان الله
لا جد عاد لا تقاطعون اول يوم كنت صغير كنت اطالع شغالتنا واقول ليش ما يحملون الشغلات مثل باقي الحريم
ليش ما تحمل الشغاله بجنين >> هذا اللغز الي احترت فيه يوم كنت صغير
في يوم من الايام قلت لازم اروح اسأل الشغاله وش قصتها ما تحمل وليش الشغلات كلهم مثلها ؟؟
قلت : ليش انتي مافي حمل (( اقول لها بيبي جوا بطن )) ليش مافيه ؟
تقول : ما يجي بس اندونيسيا في حمل بيبي ؟ سعوديه مافيه .
انا اقول لها طيب فهميني ليش ما تحملين علميني >> نشبت لها
قالت زوج انا في اندنوسيا ما ينفع انا حمل بس بدون زوج >> حاولت تفهمني بس انا متنح
اذكر اني رحت لـ امي وقلت لها عن موضوعي ولعنت خيري وحاستني وقالت ياويلك ان رحت لها مره ثانيه ... الخ
وانا مدري وش السالفه بس ادرعم كذا
بس مع كذا انا مصر وقلت لازم اعرف يعني اعرف والله لو اكلم زوجها واسأله
>>> ماسكه
قلت عن موضوعي لبوي وصار يحقق معي يحسب ان عندي سالفه ؟
يوم درى اني داج قال ابوي : الشغاله ما تقدر تحمل بدون زوجها لازم يكون زوجها عندها قريب عشان يوديها المستشفى
انا صدقت ابوي بس عشان ما يصفقني والا تصريفته مامشت علي
بعد كم يوم رحت لـ امي وانا مسوي ذيب قلت لها : هههها عرفت ليش شغالتنا ما تحمل ؟
>> انا اقول الكلام هذا عشان العب على امي واشوف وش بتقول
قالت امي بصوت عالي : منهوووووو الي علمك الي ما يستحي !!
قلت : طيب علميني ليش ما تحمل شغالتنا واقول لك من علمني >> مسوي ذيب
مسكتني مع اذني وقالت من علمك قلت محد علمني العب عليك
بس مع كثر التصفيق نكبت راعي البقاله ههههههههه
قلت راعي البقاله هو الي علمني وهو المسكين ماله دخل >> نكبته عشان متصفق اكثر
راح ابوي وهاوش راعي البقاله ومرت سنين وسافرت شغالتنا وانا ماعرفت سبب عدم حملها
وحرمت اني اتحقق عن موضوع حمل الشغالات ... جعلهم يبيضون وانا وش دخلني
وش رايكم في طفولتي هههههههههههههه