ناعم العود..لاتجـرح وكفك..نـدي=مامعي للنظر ساحل..ولا لك حبـل.
وان توريت لعيوني..وسقت جهـدي=مالفت شبح عيني..فيك وجـه قبـل.
اعتبرها صدف عشْاق..قبل وعـدي=واعتبرها طوارى..ليل مرت..قبـل.
يذهن البال..وخيول الغـرام تعـدي=وتسابق على جيدك..وجيدك سبـل.
يمم العيـن للذكرى..وخلـك مـدي=واسق ريحانة الغيْاب.. صافي وبل.
خاتمة حلم ليـل الحلم..لـو تغـدي=ماتراكى على ضلع البسيطه.. جبل.
ازهل الورد..والنسناس..وازهل غدي=منبت الورد..فيني..لو ذبل..ماذبـل.
مازبنْي..ومليته..وعشـت وحــدي=واسرفت نفحته بالقلب..قبل يخبـل.
لين عفت الوسيعه..والغلا السرمـدي=واحتديت المعاني..والنوايـا لآبـل.
اعتبرها صدف عشْاق ..قبل وعدي=مامعي للنظر ساحل..ولا لك حبـل.