[poet font="Simplified Arabic,5,black,bold,italic" bkcolor="transparent" bkimage="backgrounds/2.gif" border="groove,7,gray" type=0 line=200% align=center use=ex length=0 char="" num="0,black" filter=""]
والله وخطت شوارب جرحي الثاني
"=" والجرح الأول نبت له لحيه وشابت
يا كلها شف بعضها وين وداني
"=" ياظلها النور..وجروحي متى طابت
من ينقل عتاب عدواني لخلاني
"="من ينزع الهم كانه بالصدر ثابت
يابنت جيت ألحق أعذارك ولا أمداني
"=" والشمس ماتشرق إلا إن كانها غابت
طيب..نقول الرعد خاين وخلاني
"=" بس المزن عقب هالغيبات وش جابت
كان الخطا بأن أنا مانيب أحد ثاني
"=" فأنا أعترف رميتك ياعاذلي صابت
ياليت بعض الحكي ماجا على لساني
"=" أو ليتني ماهقيت الهقوه وخابت
واليوم لو أملك النسيان لأنساني
"=" وأهز صملان عين ٍ بالبكا رابت
والله مأسأل من المجني من الجاني
"=" لكن هي شـموعنا تندم إذا ذابت
مدري أنا أكبر بكم دمعه من أحزاني
"="بس أدري بساعتي من عقربك هابت
والخوفه أنسا من اللي فيهم أشقاني
"=" الحظ وإلا خفوق ٍ بالرجا سابت
من وين أنا جيت؟مدري! اسأل أوطاني
"="الظاهر أني مثل بعض الشجر نابت
والموت ياناس لوجرحي تعداني
"=" والصالبه من ركيزات الصبر عابت
والله لأحلق شوارب جرحي الثاني
"="كان آخر أربع جروح من القهر شابت
الشاعر / عبدالمحسن بن سعيد
[/poet]
- اخي الشاعر المبدع / عبدالمحسن بن سعيد
- صح والله لسانك وتسلم يمينك
- قصيدك يطرب وجزل من شاعر جزل
- سجل اعجابي
- اخوك / عبدالهادي الخليوي
|