[نورهـ السبيعي]

الرسالة الأصلية كتبت بواسطة أنثى الضجيج

الأمور اللي أكرهها في المجمعات ..

الجوال

عندي أخت إذا طلعنا تعلقه بـ إذنها تقولون ما عندنا بيت تكلم فيه
والمصيبه تكلم خواتي اللي في البيت بـ تسألهم عن شي وتمسكها سوالف
وإلا تحبك عليها صلة الرحم وتدق تسلم على العالم وهي بـ السوق وإلا المطعم ..
واللي يقهرني فيها أنها تنسى نفسها وتجلس تدور بـ المحلات بـ شكل يثير الشبهه

وربي تجيني حالت أسحب الجوال منها وأحطه بـ شنطتي وما ترد إلا بـ شوري
وإلا أحاول أسرقه منها في البيت قبل نطلع عشان تطلع ناسيته
مع العلم أن أختي هذي أكبر مني بـ واجد

هههههههههههههههههههههههههههههههههههههههههههههههههه هههههههههههههههههههه
والله انك صادقه مثل اختي تجيها صلة الرحم فجأه
وتنسى نفسها لاكلمت اكلمها ماترد علي انادي عليها ومعطيتني اشكل

التدخين

احتقر البنت اللي تولع سيجارهـ في مقهى أو مطعم وتقول شوفوني أدخن ..!
وأكرهـ الرجال إذا حط البكيت قدامه وكل شوي ساحب سيجارهـ

يا ليتهم يفهمون أنهم كذا يصغرون بـ عين الواحد ما يكبرون ..!

التدخين يمكن اشوفه قليل بس الشيشه او المعسل حدث ولاحرج
مره دخلت كافيه وربي الاغلبيه بنات كلهم معسل
وحتى وحده مع زوجها وهو يعسل وهي تعسل قلت ونعم الزوج
اللي معطي زوجته حريتها ومتفاهم معها
بالعربي (خوش) رجال

النظرات والقزقزهـ

بعض الحريم من كثر ما هي تقزني أحسها اخترقت بـ نظرها لـ ما تحت العباة
والله العظيم تدخل بين هدومي بـ نظرانها وعيونها
وربي أحيان أشك أني مسويه شي غلط وأجلس أتفقد وأتفحص بـ عمري : S

هذا غير اللي في السوبر ماركت ..
أكرررررررهـ أحد يطالع وش في عربيتي حتى لو أنها فاضيه
وربي يبلاني بـ ناس من كثر ما تطالع أحس شوي وتاخذ منها بدال الرفوف
المصيبه منيب أشتري شي غريب ولا أملاها عشان تلفت النظر بس هالناس شفاحة قز أعوذ بالله

ياحبي لك شكلك متنرفزه من جد
وسعي صدرك هذا هم حريمات اخر زمن --->لاياشيخه

واللي أكرهه في البنات والعيال ..

الفشخرهـ والتكشخ اللي مهوب يم سنع : )
يعني طالعه سوق وشوله الكعب والفل ميك أب والزكرشه بـ العباة
وأنت طالع سوق وشوله السكبه والتميلح الزايد ..!

وبعد أكرهـ اللي ترفع صوتها على عيالها وإلا تضربهم قدام العالم كـ نوع من الشخصيه والاتكيت
على كرهي لـ البزران إلا أن ودي أربيهم وأربيها قبلهم ..

اللي تتكشخ عاد بزياده هذي امرها مشكوك فيه بس حلو الانسان يكون مرتب
وشكله حلو بس مايكون بشكل ملفت للإنتباه من الألوان ياربي لاتبلانا
صارت الاسواق استعراض عبايات وجوالات وخرابيط

نجي عاد لـ الطيحات

عندي طيحتين أتعب وأنا أقول أشهر من نار على علم
ما أبالغ لو قلت أن أقاربي كلهم دروا عنها
مع العلم أني ما أضحك على اللي تطيح .. بـ العكس اسمي عليها وأتعاطف معها : (

طيحتي الأولى كنت طالعه مع بنت جيرانا وأختي لـ مملكة المرأة أول ما فتحت
طبعاً البنت ما تدري وش السالفه ولا تدري أن الدور هذا كله حريم × حريم
أول ما رقينا مع الدرج وشافت العالم وقفت وشهقت وقالت وش ذا حريم فاتشات : |
أنا من رداة حظي كنت جنبها وهي من روعتها دعست على عباتي وتعكرفت
هنا دوروني
تربعت وجلست أضحك من الفشيله ومن كلامها خخخخخخخخخخخخخخخخخخخخـ
المصيبه طرحوني وضحكوني وراحوا عني لا أفشلهم

هههههههههههههههههههههههههههههههههههههههههههههههههه ههههههههه
مالومها البنت انصدمت حست انها دخلت جو ثاني توقعت انها في لاس فيقاس مو بالسعوديه

والطيحه الثانيه قدام محل على الشارع الله لا يعيدهـ
طالعه مع بنات عمي وولد عمي هو اللي كان مودينا والمحل درجه رفيع وأنا شوي دفشه
بـ مشيتي وجيت مستعجله بـ أرقى إلا حبيت باب المحل بدون مبالغه من قوة الطيحه : S
طبعاً كـ عادتي ما تفشلت ورجعت .. إلا دخلت المحل وخلصت شغلي وطلعت وأثرني ما قضيت
يوم ركبت السيارهـ مسكني ولد عمي طنازهـ لأنه من النوع العيّار
السالفه لها حول 6 سنين وهو إلين اليوم كل ما شافني قال بصماتك لـ ألحين على قزاز المحل

هههههههههههههههههههههههههههههههههههههههههههههههههه هههههههههههههه
هههههههههههههههههههههههههههههههههههههههههههههههههه ههههههههههههههه
هههههههههههههههههههههههههههههههههههههههههههههههههه ههههههههههه
اح ياطيحتك ياقليبي فشششششششششششششله من جد
عاد العيال ياهم يمسكون السالفه مره انا كان ولد عمي موصلنا للجامعه المهم
انا فيني طبع بايخ لما اسكر باب السياره اسكرها بقوه
احس اني اطلع كل قوتي فيها هههههههههه قام ولد عمي قال هيه هيه السياره راحت
كسرتي بابي وهو يضحك انا طبعا طااااااح وجهي
ورحت وخليته والحين كل ماشافني قال باب سيارتي مكسور متى بتصلحينه

كني كبيت عشاي كله الله يصلحني
<< بدرررري

ياحلو عشاك طعمه حلو ----------> تفهم غلط

راعية الكيف
موضوعك جونااااان واستفز أم السوالف اللي ساكنتني
لا عدمت روحك الحلوهـ يا رب

ياحلو طلتك ياأنثى الضجيج لاعدمت نورك وطيحاتك وكل شي