[حسن آل مسفر]

<<<<<<<<< فاطس ضحك على المواقف الطيبه

الله يوسع صدرك بالعافيه ياراعية كيف ولايهونون الاخوان والاخوات المشاركين في الموضوع

<<<<<<<<<< ولا تهون

انا بالنسبة لي شفت طيحات واجد وعشت طيحات واجد واخرها طيحة سوق الاسهم الله لايرده

نرجع لسوالف الطيحات

السالفه الاولى

مره كنت في مركز تجاري وكنت نازل بالدرج المتحرك من الدور العلوي للدور الارضي وانا نازل لمحت ثنتين حريم ومعهم اكيااااااااس واااااااااجد في اسفل الدرج المتحرك اللي طالع (( لاحظوا اني قلت لمحت اجل لو اني شايف وش يصير )) المهم كانت وحده منهم متردده في طلعة الدرج المتحرك والثانيه واقفه وراها وتقنعها تطلع ويوم طفشت الثانيه من خويتها وخرتها عن طريقها وطلعت هي وتركتها قدام الامر الواقع يعني ياتطلعين ولا اترزعي تحت قامت الاخت اللي متردده وخايفه تشجعت يوم شافت خويتها طلعت الدرج وتحط رجل على الدرج ورجلها الثانيه تحت وصارت كنها في عرض جنباز ويوم شافت نفسها بتتوهق سحبت رجلها اللي طلعت فوق وتتحرك رجلها اللي تحت حركه لا اراديه وتلفط على وجهها وتتلخبط احوالها وصار الدرج طالع وهي تحبي على ايدينها ورجلينها تبي تنزل قمت انا اضحك واقول لها اقعدي عادي موب لازم توقفين خليك جالسه وهي معزمة تنزل من الدرج والاكياس الله يخلف طاحت في الدرج اللي نازل من قوة الطيحة وفي الاخير جانا العامل ووقف الدرج قامت هي تبكي وتدعي علي وعلى اللي في السوق كلهم وعلى صاحب السوق وعلى خويتها

السالفه الثانيه

ومره من المراريت كنت مسافر انا وواحد من الشباب وفي المطار كان خويي جايب معه شنطه كبر ابليس وقاعدين نحتريها عند السير حق العفش ويوم شاف شنطته قال لي تكفى جب عربيه عشان نحط الشنطه عليها رحت وجبتها ويوم قربت من خويي وكان معطيني ظهره وقاعدن يسحب شنطته ويرجع على الورا وهو مايدري ويحتك في العربيه ويطيح على العربيه والشنطه في حظنه وانا من قوة الضحك ماعاد عرفت وش اسوي قمت ادف العربيه وخويي عليها ومتحظن شنطته

هذا مالدي والله يحفظكم ويرعاكم

تشاوووووووووووووو