لا أطالبكم هنا بضبط النفس وتثقيف الذات والثقة بالاقتصاد المحلي وبقوة الطلب على النفط وبمراجعة مؤشرات السوق وبالبكاء على الانصياع أو عدم الانصياع لأبواق وبراطم المحللين، ولا أطالبكم بعدم الانسياق لما سماه العباقرة المحللين (11 واحد ويمكن 11 ألف) ببيع القطيع (قطيع في عين أهلك يااااااااااااااا.. عنبو بليسك استح.. حنا أوادم، بعنا ولا ما بعنا! وأنت وش تصير! راعي؟ عيب! تلقاك بايع قبل الكبسة والشاهي والـ... وقبل تزبط مرازيمك على الشاشة وتطلع تخربط علينا: حذرت وقلت ووووو)
..
خلاااص فشيت غلي (وبيرجع السوق.. لا يهمونكم!) <<انشاء الله
..
أححححم
أبي منكم بس توسعون الصدر شوي!
وأدري هذا مووش مومكن دايم! خاصة بعد انثبار المؤشر (مسيان) حدر نقطة الدعم اللي حددوها وانخمد تحت كل نقاطهم، وكل تنظيراتهم، وكل توقعاتهم بأن المؤشر سيحترم في الأخير.. شوية الشهادات وسعة الوجه اللي معطيتهم الحق في البربرة واتباع سياسة "هج اثمك، يرزقك الله" بمختلف اللهجات المحلية والخليجية والعربية واللغات الحية الأخرى
Big mouth, big bucks
تراها من راسي!! مهيب من راس ألان غرينسبان حق الاحتياطي الفدرالي الأمريكي – اللي قبل هذا- اللي اذا قال "آآ" انحاست الدنيا.
بالضبط مثل التويجري الا منوه جا من صبح الله وقابلوه ابو دحيّم بالبخور السنع ثم صفوووو أويلاوووه اللي منول نشوفهم ينافخون مع شبكشي وشلتوه.. سعادات الدخاتره بحبة الجبهه والخشم والكتف ثم حطو له خراف برحيّ الخبرا مع قهوتن مزعفرتن واصلتن ريحتها لابوظبي!
..
أقول: بذووو خفاي. أقسم بالله. أطلع من السوق! أنثبر! طيب، طلعت! الراتب أقساااط. واللي عندي (القيمة السوقية) ما يجيب لي حق الدافيدوف سنتين
.. الحل: البزور أبزنطهم واحد واحد. ثم أبنطلق لأثنين وأزنطهم زنطة "عنزروت" <<شكلي ضيعت! كل تحويشة عمري عندهم وآخرتها: مساهمات متعثرة. مع ان واحد منهم عنده "لجنة شرعية" بلحى معتبرة! والثاني "كانت" سمعته تلق!... والمشكلة. القهر. اني كلمت واحد منهم قبل 8 أشهر وقال: (ابشر بالخير، آخر الشهر وتلقى سعدك، المساهمة بيعت. والمكسب 48% عطنا بس 25 يوم وتشوف الاعلان بالجرايد.)
تدرون متى كان هذا؟
11 فبراير!
(سمووه 11/9)!! (طيحة البرجين)
عطيتهم شهر. وكلمت. تغيرت اللهجة! "والله ما جانا شي من الإداره يا حبيّبي! وسع صدرك)
اثر ابن الذين باع كلش وطب بالمكيرش يوم انها حول الثلاث مية!
وخفست لتسعة ونص! وهو يشاور طويل العمر والهيئة الشرعية!
..
وأمس قريت ان السمرمد متجمعين يترجون البنوك يسلفونهم عشان يرجعون لنا راس مالنا!!
..
والله انها موافقة لو الحجاج يطلع من قبره ويشتغل شهرين. الله من الرؤوس اللي أينعت وحااااااااان قطافهااا أويلااااااااوه!
..
سامحونا!
____________
(لا تنقلونه للرأي! بيحذفه فوزي!<< tsh7
____________
عذراً للعثرات المطبخية.. أقصد المطبعية
والأغنية إهداء من قلبٍ ما!
سلاام!