إقتباس:
|
الرسالة الأصلية كتبت بواسطة غزيل بنت هويدي
تاريخ فتح المضاريف/ الى انتهى وقت الحبحب
سعر المناقصة/ ثلات اريل ونص اريال
قيمة استمارة المناقصة/ بلاش بس انت اصمل.
موضوع المناقصه/ تطوير وتجميل وجه غزيل بنت هويدي
وتشتمل المناقصه على الاتي/
1_ ضبط العيون لين يتعدلن وان كانه مستحيل يطلب من المقاول يركب نظارات شمسيه ضد الحريق بطول 4سم في 5سم وتسان المقاول اندبلت تسبده يرسم غطوه على وجه غزيل لو خيشه مصبوغه باسود 
2_تغيير الخماخم لحلق زي الناس وتركيبه على شكل غرشة عطر شانييل مصغره مع سلسال يتدلى من اطرافه دبدوب احمر مبتسم وفي يد الدبدوب ربابه فضيه.
3_محاولة تركيب خشم مرح جبر في محل خشمي السابق ان ركب ولا يحط في جبهتي لاني مركبته مركبته بحول الله 
4_تفصيل عدسات عشبيه اللون مخملية الملمس ضد النامس ومناقير الطيور المتطفلة.
5_حفر عدد اربع غمازات ثنين في الخدود وثنتين ورى الاذان عشان اذا ضحكت تسمعوني<==سكرانه 
6_قص الجدايل وحذفها للتسلاب تكرمون لانها بغت تجيب اجلي يوم تلتوي على دركسون اللمبورجيني حقتي يوم تطاردني شرطه العبله في قضية تهريب فستان ماله تسموم وتركيب بدال الجدايل عدد(1) عوامة عن كثر السعبله عدد(1) مانع صواعق ومقوي جوال لاستقبال رسائل ال اس ام اس من المعجبين
على من يجد في نفسه الكفايه ان يتقدم لاخوي طلق في مده اقصاها قبل امس |
موضوع يحمل في طياته الكثير من التنسيم والاقلاع .
ما اكبر حظي حينما اكتب رداً في موضوعك
يا فتاة الغلاف .
يا فتاة الغلاف
قد اصاب بالجفاف
حين تقع عيناي على عيناكي
يستبد كل شئ من حولي
وتتطار احرف البهرج الخداع
وتتفطر افكاري نزولاًً للارتفاع
سيدتي
ليس لدي الخبره الكافيه فالمناقصات والمشتروات
لكن لما انتي تحاولي من تغيير شكلك
فأنتي حسناء الباديه >> الباديه والا المرقه >> حقت ذبايح
في كل الصحاري غاديه << صحاري والا البديعه مول
والله ما اعرف شئ بالمناقصات !
بس ودي اشارك معكم محبتن فيكم .
انا اعرف واحد فالمرور يمكن يسنعك اذا صارت فيه بيعه والا شئ >>> اسلوب عربجي
طراه المبايعات والمرور
انا تحلمت حلم الله يستر بس
تحلمت اني ماسك الدائري الشمالي
وقدامي تفتيش
قلت يا ولد اربط حزامك وصفق الرجاجيل >> خمته الحميا يوم قال اربط حزامك ؟
معليش بقطع السالفه
بقول لكم ليش تأثرت يوم قلت اربط حزامك ؟
اول اذا تهاوشو البداوه وجى فيها رمي وقلة حيا وفشق و هات الجنبيه .. الخ هياط .
يجي ولد عمك المهايطي ويقول (( اربط حزامك بنحجر للقوم )) >>> وتلقى القوم من عيال عمه .
فأقول لكم .. من هذا المنطلق تأثر >> كمل حلمك الداج .
(( ومن قال سالم )) !
ماسك الدائري وقدامي تفتيش
قلت في نفسي اربط حزامك يا ولد وتخمني الحميا مره ثانيه >>> عاد تراها مهيب حلا ؟؟؟؟؟
وماراح يصير لك شئ
يوم باقي على التفتيش تقريباً 100 متر
مدري وش الي يجيني وادعس بنزيم و اتعدى التفتيش بسرعه لدرجه ان طربوش العسكر ناشب فانتل الددسن .
وكل مالي وازود السرعه
ليه ؟
مدري
خذيت دقيقتين وناظرت فالمرايه الطريق الي وراي والقى الارض تنشق وبلعت التفتيش
والتفت براسي واطالع والا المرايه صادقه 
وكل مال الشق الي فالارض يكبر ويلحقني
وانا ضاغط البنزيم برجلي شوي ورجلي تحك الارض من زود ضغظي للبنص بقوووه
طردني هذا الشق من مخرج 5 الين كبري الفحص ..
ما وصلت لكبري الفحص الا وشق واصل عند السندوق
شوي والا الكفرات الي ورى بدت تخور
فجئه انقطع الكبري وصارت قدامي بحيره
(( وش جاب البحيره فالرياض لا وبعد مكان سوق الابل ؟؟ ))
مدري
صار قدامي خيارين
1_ اما اطب فالبحيره .
2_ او اسلم نفسي للشق الشرير ..
قلت اطب فالمويه على الاقل اموت غريق شهيد اصرف من اموت في حفره مدري وش سنعها
اي والله
واطب لك فهالبحيره
امحق بحيره
صارت عصير راني حبيبات
وانا الي اطب بينهم
وهذا يحذفني منا وهذا يتقفاني مناك >> الي تطلع فالدعايات
من كثر ما ابترم راسي اغمى علي >> علي والا محمد اخلص طولت سالفتك
فتحت عيوني
وقمت الا وانا في حي البطحا
والتبيسات تشطفني يمين ويسار وانا كما الذي يتخبطه الشيطان
اشرت للموزين.. وقف .. يوم ركبت معه ورحت للبيت ووصلت عند الباب قلت الحمد لله افتكيت من كل هالمشاكل
بغيت اطب فالحفره
بغى يصدون بي الحبيبات
بغى يدعسني توبيس
الحمد لله
قال لي سواق الموزين :
قيب بلوس >> جيب فلوس >> عنطي فلوس << أعطني المال . >> لها ترجمه في كتاب ابن كثير (( البدايه والنهايه ))
دخلت يدي في جيبي مالقيت فلوسي
قلت للهندي ضاعت عند الحبيبات الي قروشو مخي .
سبحان الله وينقلب الهندي الا زرافه وتنشق تندت اللموزين ويدنق ويعض يدي اااااااااااااااااااااااااااااااااااا ه
واقوم من النوم منلخم واغسل وجهي >> يعني تراني نظيف
والا علمت احد غيركم .
اما بالنسبه للمناقصه ..
انا عندي رسيفر .. ومرواس واحد من العيال .. وطاوله كيرم وبودره جنسون الاصليه ..
تبون تاخذونها وتعطوني المناقصه
ترى المناقصه حقتك استمال امريكي >>> يحسبها موتر ؟
تحياتي لشخصك الكريم