[وش السالفة]

الرسالة الأصلية كتبت بواسطة خالد التميمي

..





توق .. وبقايا أوراق .. وأشباه .. وبعاد
.............. وأقسى من اللي راح .. شرهات نفسي!
:
للحـزن مـوت .. وللمسـرّات ميـلاد
.............. وللبخت وقـت .. وللمقاديـر حدسـي
:
كنّ السهر لقلوب الاحبـاب .. ميعـاد
............... يوم اللقا من بين الاحـلام .. منسـي
:
ياصاحبي .. وإن جيتني طيف وسهـاد
.............. لاتطري الاحـزان .. ويطـول عمسـي
:
مافيه داعي يلمـح الجـرح .. حسّـاد
............... يكفي أخذت مـن العواذيـل .. درسـي
:
أنـت الهـوى بعيونـك اوراق ومـداد
................ وانا كرهت من التباريـح .. طرسـي!
:
لاعاد تسأل وش ورى البعد .. ولاعـاد
............... تذكر خفايا الشعـر .. وتعيـد همسـي
:
ماهو مهم آعيش ..في ضيـق وبعـاد
................. بس المهم آعيش .. ما هنت نفسـي!!











تحياتي

قصيدة جميلة
وهالبيت بالذات :
كنّ السهر لقلوب الاحبـاب .. ميعـاد
............... يوم اللقا من بين الاحـلام .. منسـي

له وقع خاص عندي ذكرني ببيت للامير بدر يقول
كن السهر درب عليه بتجيني
......................ولا ودي اقطع درب لاماك برقاد
صح لسانك ياخالد