لما ع الباب – فيروز
لما عالباب يا حبيبي منتودع
بيكون الضو بعدو شي عم يطلع
بوقف طلّع فيك
وما بقدر أحكيك
وبخاف تودعني
وتفل وما ترجع
بسكر بابي شوفك ماشي عالطريق
فكر أنزل أركض خلفك عالطريق
وتشتي عليي
ما تشوفك عينيي
وأنا أركض وراك
مدّ الك أيديي
وأندهلك أنطرني حبيبي
وما تسمع
ما رح ترجع بعرف أنن غيروك
يا حبيبي وعذبوني وعذبوك
سهروا عينينا وفرقوا أيدينا
وصرنا كتير نخاف اذا نحنا تلاقينا
ما بنتلاقى الا وقت اللي منتودع
(كلمات جوزيف حرب وألحان فيلمون وهبي)
(الألبوم: بليل وشتي: فيروز تغني فيلمون وهبي)