[ساري نجد]

السلام عليكم
والله يصبحكم ويمسيكم بالخير

بالاول نبارك لانفسنا رجعة الاقلاع بثوبه الجديد الللي يهبل من زينه

انا ودي اقول كلمتين يا اخوان واسمحوا لي

الاوله منهن : انا عضو قديم بالاقلاع بس قليل ما اشارك واللي خلاني اسجل بشعبيات شي واحد ..... يعلم الله ان السبب هو اني اشوف اللي يكتبون ناس محترمه وذويقه وكل(ن) يبدي رفيقه على نفسه من المعزه.

والثانيه: انا احب القصيد واقرا ... وراودتني نفسي اني اكتب واحاول ... بس انا عارف(ن) نفسي ..... قلت هالمره يا ولد اجزم واكتب يوم لقيت هالوجيه الطيبه ... والوكاد انكم بتصدقوني القول والرأي

وشوفوا يا اخوان

لا تقولون مسكين حرام نحطمه.... بنمشيها له هالمره ..... ماعليكم مني ابي رايكم الصريح ....... وترى عادي لو قال لي واحد انك يا ساري في جهه وكتابة الشعر في جهه.... ترى ابركها من ساعه اذا لقيت واحد(ن) يعلمني بالصح حتى لو كان يزعل.

واعذروني لو كثرت هرجي ...... بس من حبي لكم وحماسي الزايد

عاد ردوا عليّ ..... وجهوني ....... حطموني ..... المهم لا تسفهوني