/
\
/
إنزفي دمـع المفــارق يالعـيـون "=" ما بقـى بالعمـر .. شـي ٍ نخســره
أرخـي أهـدابك .. وجودي يالجفون "=" وامطـري .. مثل المــزون المـمـطره
عـّـبري لي عن حنـانك .. والشجون "=" ما يفيــد الدمــع مـن لا ينثـــره
خانـت الدنيـا وخـانتنـا الظنـون "=" ولا بقــى بالحــب سيــف ٍنشهــره
يـوم طـاح السيــف زادن الطعـون "=" والعـزا بالقلب .. والله يجــبره
والله إن البعـد عنـدي ما يهـون "=" ووالله إن الوقـت ماحــد ٍيقـــدره
ما بقالي ليــل يالقلــب الحنــون "=" لو بقالي ليــل .. والله لا أسهـره
ودام راح اللي على قلبي يمــون "=" ما بقـى يا عــين حــزن ٍنستــره
لا ذكــرت عيـونه اللـي ما تخـون "=" قلـت : يااااربـي .. بخيرك تذكره
من غـرامـه بين عقلي والجنـون "=" / انهبـل / .. لو زدت بالعشـق شعـره
المحاسـن .. والمفاتن .. والفنـون "=" والطبيعـه كلهـا .. في منظــره
يا بياض الثلـج يا ذيــك السنــون "=" يا شروق الشمس .. يا لون ثغـره
يا إحمرار الورد .. يا عطـر الوجون "=" يا سواد الليل .. يا لون شعــره
يوم قضـّـه بين راسـه والمتـون "=" خفــت .. لا يخفــى نهار ٍبنحــره
جامـح ٍمثـل السحايب والمـزون "=" لا إنحنـى راسـه .. ولا مال ظهـره
جامـع ٍمن كـل شكل وكـل لــون "=" / ولا تملـّـه / .. كل عين ٍتنظـره
إن حكــى تنســاب عـذبات اللحـون "=" صـوت عصفور .. على غصن شجـره
وإن سكـت .. يا خاطري سـاااااد السكون "=" وقمـت أناظـر في حـلاه .. ومظـهره
إنـ/ـزفي / .. دمـع المفارق يالعـيون "=" ما بقــى بالعمــر شي ٍنخسـره
ما دام راح اللـي .. على كلـّـي يمـون "=" ما بقـى من بعـده .. حزن ٍنستـره
\
/
وســ لامـة قلوبكـ م