[عبدالله الحمياني]

الرسالة الأصلية كتبت بواسطة حمود الصهيبي

اضيق من الحرف بعده بعد تسويقي=زيفه كما المعصية وابعاده الطاعه
بيدي جمعي وبعض احيان تفريقي=لك مني اكتب قصيدي وانفض شراعه
واضرب على القاف واطوح طواريقي = والعب على الدرسعي واطوع انواعه
اما تعديت في راس الشواهيقي=ما اسوقها لو يلج الصدر باوجاعه
تخايل العين براقٍ تباريقي =والنفس طماعةٍ ولا هي بطماعه !
صحيح انا اللي على فرقاك ما اطيقي = لاكنها عزةٍ ماهي بـ مطواعه
الله يجيب الفرج ويفك تعليقي=الارض مسرح كتبها القلب ونزاعه
بعض الحقايق تعد وزاد تبريقي=الذاكره حبر والعشق الة طباعه
احد كلامه تقول يصب توفيقي=واحد كلامه لها الاحداث شماعه
والشفقه اللي علي..تزيد تشويقي=وصلا على القلب ميراده ومهزاعه
يكفي 3 فدني عقب تصديقي=للضيق ماعاد به سمع ولاطاعه

أخوي . وإبن عمي ....... الشاعر الكبير والصحفي المرموق حمود الصهيبي صح لسانك على هالعصماء ولاهنت الصراحه إني كل مابغيت أنسخ بيت قلت ياولد الثاني أحسن لان خلصت القصيده . لا عدمنا هالخيال الواسع والقصيده الجزله قصيده ممزوجه بالعزة والكبرياء اللتان أعتقد أنهما في شخصيتك شخصيا سجل إعجابي أخوي حمود ولك خالص تحياتي وتقديري