|
رد : انتَ غير ..!
شروق ..
هذا نص هاجس .. نص يبدو سهلا حين قراءته .. لكنه من أكثر النصوص تعقيدا حين يتمحور في هاجس واحد ويحوُّم به مدارت متعددة ..
لانملك حين نقرأ مثل هذا إلا أن نحاكيه باستعراض النص الهاجس ...
يا نايمة .
.يا نايمة .كمْلَ النهار
ضوَّا قناديله وطاحْ
أبغى من عيونك مدارْ
وأبغى من أحلامك جناح
بطير بك ..خلف السرابْ
وأفتح لصوتي ألف بابْ
وأكتب قصيدْ ...!
يا نايمة حلمي بعيد
جرحي ..
ولو يقدم جديد..!
وانتي ببردك نايمة
يومك عنيد ..!
***
يا نايمة ..وش با الكلام
عيا يسافر عن فمي ..!
قومي وشوفي مرايتكْ
تبسَّمي
تذكَّريني واضحكي
..تكلَّمي
ولنِّك ضحكتي فوجهها
خذي من شفاتي السلامْ
وسلِّمي ...!
قولي لها منهو أنا
وشهو مسايْ
لاغنَّت طيور الصباحْ ..
وانتي غنايْ ..!
لاصار يسألني الطريقْ
وماانتي معايْ ..!!
***
يا نايمة ..كمْل النهارْ
نادى علينا وانتظرْ ..!
حتى عصافير الشجرْ
تسأل عليكْ
( واحد يقلي نايمة
واحد يقلي ظالمة )
أضحك وقلبي منكسر ..!
تصدقين ..؟
ماني حزينْ
رغم الجروح اللي اتجدد من سنين
ماني حزينْ ..!
يكفي تكوني نايمة .. وآنا أذكركْ
أجمعك من وجه الصباح
وأمشي فدربي وأنثركْ
حولي عصافير وفجرْ
تنقش على غصن الشجرْ
انتي وأنا .. صبح ومساء
برد وغطاء
طفل ومطرْ
يا نايمة ..
تقرين كل اللي كتبت ؟!
وانتي فبردك حالمة؟
وألا نسيتيني وأنا
صاحي لاصرتِ نايمة ...!!!!!
|