السلام عليكم ورحمه الله وبركاته
هذي اول بصمه لي بهالقسم الرائع
واتمنى ان تنال اعجابكم هذه البدايه البسيطه
اتركم مع هذه القصيده البسيطه
ياشوق احبك يشهد القلب ياشوق = ويشهد على حبي جميع البريه
ويشهد عليه اللي سرح تالي النوق = واللي على رجله يسوق المطيه
ويشهد علي الكون خالق ومخلوق = اني بليا شوق حالة وفيه
حبك وصل في غايتي غالي الشوق = واسمك نقشته فوق كف المنيه
مايوصفه دمعه وشمعه وطاروق = والا قلم ماهو بقبضة يديه
ولا يوصفه شعر من الحبيب مسروق = والآ كلام ناقله عن خويه
ياشوق انا قلبي من الحب محروق = وانتي دواء قلبي وجرحه وكيه
ارجوك انا يا شوق يا صافي الذوق = خل الجفا ياللي تغلى عليه
ماانتي رخيصه دائمآ منزلك فوق = تستاهلين القلب مني هديه
ياشوق انا من غدر الأحباب مشنوق = وأصبحت ميت ولكن الروح حيه
ياشوق انا ادري كل مطرود ملحوق = وياحظ منهو يلحقك ياهنيه
انا دخيلك كان لك في الهوى سوق = تبقين لي وحدي بروح وفيه
وأعاهدك اني مااخونك ولا أبوق = واكتب بعد موتي غلاك وصيه
بـقـلـم / تركي القحطاني