[نايف الجابر]

السلام عليكم
كيف الحال
قصيده تقطع القلب
البارح جتني بلاتوث
بصراحه حزنتني
وكتبت الأبيات وان شاء الله انها صحيحه
القصيده قصه واضحه من ابياتها
ماتت الزوجه
وتزوج الأبو زوجة ٍ جديده
ولعبت في البزارين بالطق والضرب
(أحس انها قصة مسلسل خليجي )

للإستماع الى القصيده بغناء الطفله



ولحفظ القصيدة من هنا

وهذي الأبيات

البارحه في تالي الليل محتار = مدري وش آخذ من علوم ٍ وخلي
من كثر همي دمعتي كنها انهار = باسباب فقد امي دموعي تهلي
تزوج الوالد وهو مكرم الجار = زوجه جديده قلت ذا منوة ٍ لي
لكن علينا ياعرب ضاقت الدار = قامت تعاملنا بحقد ٍ وغلي
تعذيبها ياربعنا سرّ وجهار = اعجزت ابا وصّف عذاب ٍحصل لي
باسبابها يااصحابنا ذقنا الامرار = الهم ّ لازمني كما وصف ظلي
ياخالتي خافي ترا فيه قهـّار = يجازي اللي في حياته يزلي
ياخالتي وش ذنبنا توّنا صغار = وشلون تعذيبك علينا يحلي
الظلم شين ٍماتسويه الابرار = راعيه ضايع بين ٍ مايدلي
ضربك بعد لاختي تسبب بالاقدار = من جلسة ٍ بالبيت صارت تملي
جتني تصيح ودمعها مثل الامطار = تشكي تحسب ان الزمن صافي ٍ لي
مافي يدي حيله ياليت الزمن دار = بس اصبري والله لهمـّـك يجلي
ياخالتي قافيك قصـّاف الاعمار = وحساب عادل عن صغير ٍ وجلي
ياليت والدنا عرف كيف يختار = ان كان نجمه صار فوق متعلي
اخذت لي مع نظم الاشعار مشوار = لعلـّه لقلب حزين ٍ يسلي
شرحت بعض الي حصل لي بالاشعار = من فضل ربي جعله اليوم حِلّي