إقتباس:
|
الرسالة الأصلية كتبت بواسطة الشاخوفه
سلام الله .. على غازي القصيبي سيّد الشـــعّار
سلام الله .. على الشاعر أو الكـاتب .. والأسطوره
سلام الله .. على الفـاهم على الحالم على البيطار
سلام الله .. على المسؤول و الدكتور .. أبو لوره
أقوله .. والله الشــاهد .. و حنا .. ما نخـش أسرار
سعودي .. و الســعّوديه بشـــرع الله .. منصوره
سعودي .. حده الشرقي .. بحور النفط .. والمحار
سعودي .. حده الغربي .. رســــالة دين منشوره
سعودي في جنوبه .. هيبة المسلم .. على الكفار
سعودي في شماله .. جـــاهلــية طيب .. مفطوره
سعودي و الوسط حنا شموخ و كبرياء و إصرار
علمنا كلمة التــــوحيد و تحته سيـــف أخو نوره
و أنا .. أللي ديرته .. فيها ملايــيـن البشر .. تجار
و فيها نـــاس مكسوره .. و فيها نــاس مستوره
و فيها أللي خـذا علمه و فهمه .. من علوم كثار
و فيها أللي تلا آيه .. و فيها .. أللي حفظ سوره
و فيها عاقل .. وجاهل .. و فيها .. صامت و ثرثار
و فيها شيــخ يجمعنا .. و فيها .. قــــوم مبتوره
و فيها طفلةٍ .. سجّت .. و لا تدري .. عن المشوار
و فيها .. حرمةٍ شـــــالت حمول البنت .. مقهـوره
و فيها أللي يداهن لك يبي فيــزه .. لأبو مختار
و فيها اللي بينقل لك حقايق .. كاش .. مصروره
ترى .. من عهد أبو بنـــدر و حنا .. ننقل المسمار
من السـكــّه الى الكهرب .. الى الصحه و ماخوره
الى البحرين الى لندن .. سفير .. وماحلا الأسفار
توزّرت العمل .. و الا الهَـمَـــلْ .. ما جـا لهم دوره
وزير .. وشغلتك سايق و شغالة .. و شعبك حار
تضيق بنــاس معذوره .. و تكرم نـــاس مشهوره
تراها أوزار يا غازي .. بيــومٍ .. ما سترك وزار
تظن الناس مسروره .. و أشوف الناس مخطوره
تقول إن البلد نامي !! و نامي و إعشقي التكرار
( كفاحي ) كاتبه هتلر و ( أبو شلاخ ) لك صوره
بطاله .. وأنت يا غازي .. بطلها الصامت المغوار
شعار ( الســـعوده ) حجة بليد .. و مسح سبوره
تســعود ؟ لا تســعودنا و بيتك .. خالهم جيفار
تبينا نشتغل !! و أنت الوظايف فيك مشغوره ؟
معالي الشاعر الكاتب أديب و مستشار يشار
وزير .. و ريّس اللجـنه .. و بكره يلعب الكوره
خلصنا؟ ماخلصنا .. إلا بدينا !! غـطـرفي يا دار
نبغ من شعبنا واحد .. و باقي الناس .. مذخوره
وسلامة قلوبكم
الشاخــوفه
|
هنا للشعر ابداع وبصمه
لم استطع اختيار بيت القصيد منها
كلها بيوت حكمه قويه
صح فكرك
شاعر رائع يبهرك في كل مايخطّه قلمه وكل مايجود به فكره
من القصائد الواقعيّه الأجتماعية
لاهنت يالشاخوفه
وسلملي عليك